Qazirgi ýaqytta koronavırýs ınfeksııasynan 13 986 adam em qabyldap jatyr
Qazaqstanda segizinshi jeltoqsanda koronavırýstan toǵyz adam qaıtys boldy, pnevmonııadan kóz jumǵandar tirkelgen joq. Bul týraly densaýlyq saqtaý mınıstrligi málimdedi, dep habarlaıdy Egemen.kz.
Bir táýlikte 729 adam koronavırýs ınfeksııasyn juqtyrdy, 215 adamnyń pnevmonııamen aýyratyny anyqtaldy.
"Qazirgi ýaqytta koronavırýs ınfeksııasynan 13 986 adam em qabyldap jatyr, onyń arasynda 1 003 bala bar. Stasıonarlarda 3 747 naýqas jatyr. 10 239 adam ambýlatorııalyq jaǵdaıda emdelýde", - delingen mınıstrlik taratqan aqparatta.
Jalpy naýqastardyń arasynda 231 adamnyń jaǵdaıy aýyr, ishinde 33 naýqas asa aýyr jaǵdaıda jatyr. 38 naýqas jasandy tynys alý apparatyna qosylǵan.
Aıta keteıik, pandemııa bastalǵaly 138 382 adam koronavırýs ınfeksııasyn juqtyrdy, 2 105 adam qaıtys boldy. Birinshi tamyzdan bastap 43 339 adam pnevmonııaǵa shaldyqty, 456 adam qaıtys boldy.