Qyzylorda oblysy boıynsha QAJD Shıeli aýdandyq probasııa qyzmetiniń ınspektorlary sottalǵandar tarapynan jasalatyn quqyq buzýshylyqtardyń, olardyń qaıta qylmys jasaýynyń aldyn alýda júıeli jumystar júrgizýde, dep habarlaıdy Egemen.kz.
Aýdandyq sotta probasııalyq baqylaýdaǵy eki azamatqa qatysty sot otyrysy ótti. Olar sot júktegen mindetterdi oryndamaı, jaza óteý tártibin buzǵan. Probasııa ınspektorlary olardyń bas bostandyǵyn shekteýdi bas bostandyǵynan aıyrý jazasyna aýystyrý úshin sotqa usynys joldapty. Sot qaýlysymen eki azamattyń bas bostandyǵyn shekteý jazasynyń ótelmegen bóligi bas bostandyǵynan aıyrý jazasyna aýystyrylyp, sot zalynan qamaýǵa alyndy. Sot qaýlysy 15 kúnnen keıin kúshine engen soń, qylmystyq-atqarý júıesi mekemelerine jazasyn óteýge jiberiledi. Sot otyrysyna profılaktıkalyq maqsatta eseptegi sottalǵandar da qatystyryldy.
«Jyl basynan aýdandyq probasııa ınspektorlarynyń eskertýlerinen qorytyndy shyǵarmaǵan, sot júktegen mindetterdi oryndamaǵan probasııalyq baqylaýdaǵy 16 azamattyń bas bostandyǵyn shekteý jazasynyń ótelmegen bóligi, bas bostandyǵynan aıyrý jazasyna aýystyrylyp, QAJ mekemelerine óteýge jiberildi», - dedi aýdandyq probasııa qyzmetiniń bastyǵy, ádilet maıory Qaırat Baıgenjeev.