Tereńdigine kez kelgen adamdy boılata bermeıtin Kaspıı teńizi aıdynynda súńgýirlerdiń mańyzy zor. Olar azamattyq qoǵamda ǵana emes, áskerı ómirde de arnaıy daıyndalyp, únemi shyńdalý ústinde júredi.
Aqtaý garnızonynda súńgýirlik daıarlyq porttarda, akvatorııalarda, sýlarda jáne jaǵalaýda jaýyngerlik mindetterdi oryndaý úshin júrgiziledi. Áskerı-teńiz kúshteri súńgýirlerin bastapqy daıarlaý basseıninde júrgiziledi. Ashyq teńizge túspes buryn áskerı qyzmetshiler qajetti daǵdylardy úıretýi kerek, alǵashqy sabaqtar teorııalyq turǵyda ótkiziledi.
Jaýyngerlik júzýshiler jabdyqtyń materıaldyq bóligin jáne taktıkalyq-tehnıkalyq sıpattamalaryn zerdeleıdi, synaqtar tapsyrady jáne súńgýir jabdyǵyn paıdalanýǵa ruqsat alady.
Súńgýirler úırenetin birinshi nárse – sý astyndaǵy durys tynys alý, apparattaǵy qysymdy teńestirý. Sondaı-aq streske tózimdilik jattyǵýlaryn jáne tótenshe jaǵdaılardy joıý ádisterin úırený qajet. Nusqaýshylar oqytýdyń barlyq kezeńderinde qaýipsizdik sharalaryn saqtaýǵa erekshe kóńil bóledi.
– Jeńil súńgýirlik daıyndyq boıynsha jyl saıynǵy kýrstan áskerı súńgýir mamandyǵyn tańdaǵan jańadan kelgen áskerı qyzmetshiler ótedi. Mundaı sabaqtardyń birinshi kezeńi basseınde ótkiziledi. Bizge akvatlon, sý astyndaǵy qoıan-qoltyq urystaryn úıretedi. Bul sabaq barysynda aǵzanyń gıpoksııaǵa tózimdiligi jáne sý ortasynda bolý senimdiligi sııaqty qasıet damıdy, – deıdi top serjanty 3-synypty serjant - súńgýir Rýslan Orýmbaev.
Qysta basseınde sabaqtar aptasyna úsh ret ótkiziledi. Al kóktemde, kún jylynǵan sátten bastap Áskerı-teńiz kúshteriniń súńgýirleri ashyq sý aıdyndarynda súńgýge kirisedi.
Ári qıyn, ári qyzyq súńgýirlikke jas sarbazdardy qyzyǵýshylyǵy da joǵary.
Mańǵystaý oblysy