Almaty polısııasy azamattardy 400 mıllıon teńgege aldap soqqan adamdy ustady, – dep habarlaıdy Polisia.kz.
Almaty qalalyq Polısııa departamentiniń Tergeý basqarmasy 1977 jyly týǵan, Shyǵys Qazaqstan oblasynyń týmasy Sh.esimdi azamatqa qatysty sotqa deıingi tergeýdi júrgizýde, ol 2014 jyldan bastap qazirgi ýaqytqa deıin, Almaty qalasynyń aýmaǵynda júrip, “Han Tengrı” turǵyn úı kesheninen “jalǵa beriletin turǵyn úı” memlekettik baǵdarlamasy boıynsha turǵyn úı alý, sondaı-aq, jer ýchaskeleri men qamaýǵa alynǵan kólik quraldaryn elektrondyq saýdadan alyp beremin dep syltaýratyp, birqatar jábirlenýshilerdi aldaý jáne senimine qııanat jasaý arqyly, olardyń qarajattaryn iri kólemde ıemdenip, 400 mıllıon teńgeden astam materıaldyq shyǵyn keltirdi.
– Atalǵan fakti boıynsha QR QK-niń 190-baby 4-bóligi, 2-tarmaǵyna sáıkes qylmystyq quqyq buzýshylyq belgileri boıynsha sotqa deıingi tergeý bastaldy. Sh.azamat kúdikti dep tanyldy. Ol Qazaqstan Respýblıkasynyń Qylmystyq is júrgizý kodeksiniń 128-131 baptaryna sáıkes ýaqytsha ustaý ızolıatoryna qamaldy. Almaty qalasynyń mamandandyrylǵan aýdanaralyq tergeý soty kúdiktige qatysty qamaýǵa alý túrindegi bultartpaý sharasyn tańdady. Qazirgi ýaqytta tergeý amaldary jalǵasýda. Sonymen qatar, biz azamattarǵa Sh.azamattyń zańsyz áreketteri saldarynan zardap shekkenderdi myna meken-jaıǵa júginýge shaqyramyz: Almaty q., Masanchı k-si, 55 úı, Almaty qalasy PD TB ORPPOP ishki ister organdarynyń aǵa tergeýshisi, polısııa maıory I.G.Lıtvınenko j.t. 261-84-90, 254-40-59 jáne 8-775-284-55-56, – dep habarlady, Almaty qalasy PD Tergeý basqarmasy bóliminiń bastyǵy Ádil Salaev.