Kúndegi ádetimen tańerteń uıqysynan oıanǵan L. tústen keıin ólimshi halge túsip, keýde tusyndaǵy eki jaraqatpen aýrýhanadan bir-aq shyǵamyn dep oılamaǵan edi.
Kúndegi ádetimen tańerteń uıqysynan oıanǵan L. tústen keıin ólimshi halge túsip, keýde tusyndaǵy eki jaraqatpen aýrýhanadan bir-aq shyǵamyn dep oılamaǵan edi.
Daýdyń bári L.-nyń úıine úsh tanysynyń kelýinen bastaldy. Olardyń biri onyń kóligin satyp almaq bolady. Kólikti qarap bolǵannan keıin olar L.-ny taza aýada syra iship, demalýǵa shaqyrady.
Osylaısha, qalanyń shetine shyqqan tórteý ishýdi bastaıdy. Ishkiliktiń býy denelerine tarqaǵan ýaqytta aralaryndaǵy J.-nyń uıaly telefonyna áıeli habarlasady. Tili áreń buratylyp sóılep turǵan kúıeýiniń ishkenin bilgen áıeli daýys kótere renjı sóıleıdi. Muny estigen dos-symaqtary J.-ny jubatady. Bul ómirdegi eń mańyzdy nárse áıel men otbasy emes, dostar men ishimdik dep, áıelinen aıqaı estigen J.-nyń namysyna tıetin sózder aıtyp, kúledi. Sirkesi sý kótermeı otyrǵan J. osy kezde L.-nyń aıtqan sózderi shymbaıyna batyp ketip, pyshaqpen eki ret keýde tusynan suǵyp alady.
Osydan keıin ol oqıǵa bolǵan jerden ketip qalady. Al, jábirlenýshi L.-ny ótinishi boıynsha syralas serikteri úıine jetkizip tastaıdy. Úıine kelgen L. hali nasharlaı bastaǵan soń, jedel járdem shaqyrady.
Aıyptalýshy J. buǵan deıin buzaqylyq pen qaraqshylyq qylmystaryn jasaǵany úshin eki ret sotty bolǵan. О́tken qatelikterinen sabaq almaı, taǵy da aýyr qylmys jasaǵan buzaqyny sot qatań rejimdegi túzeý kolonııasynda óteýge úkim etti, dep habarlady Qyzylorda oblystyq sotynyń baspasóz qyzmeti.
«Egemen-aqparat».