№1 ındýstrııalyq park aýmaǵynda 5 óndiristik kásiporynnyń qurylysy aıaqtaldy, dep habarlaıdy Egemen.kz
Sonyń biri – «Central Beton Company» JShS. Munda táýligine 3 myń tekshe metr beton óndiriledi. Sondaı-aq kompanııanyń temirjol tuıyǵynda bir mezette 3 myń tonna sement saqtaı alatyn qoımasy bar.
«О́ndiris qarqynyna indet keseli de, ádette qurylys jumystary saıabyrsıtyn qys maýsymy da esh keri áser etken joq. Munda úzilissiz kúndizgi jáne túngi aýysymda 150-den astam adam jumys isteıdi. Bıyl jańadan eki qondyrǵy satyp alyp, qaıta óndiristiń qýatyn 80 paıyzǵa arttyrdyq. Sonyń arqysynda jańadan turaqty 30 jumys ornyn ashtyq», deıdi kompanııa dırektorynyń orynbasary Aleksandr Pahomov.
Kásiporynnyń ónimderi Nur-Sultan qalasynda jáne Aqmola oblysynyń aýmaǵynda taralady.
«Barakat Invest» JShS sement pen gıps negizinde qurǵaq qospalar shyǵarady. Zaýyt dırektory Erjan Baımuqashtyń aıtýynsha, búginde sement negizinde jasalatyn qurǵaq qospa shyǵaratyn 1-jeli jumys istep tur.
«Úkimettiń óndiristik saıasatty bilikti júrgizýiniń arqasynda seriktestik jumysy qystada toqyraǵan joq. О́ıtkeni qalada qurylys jumystary, ásirese úı qurylysy qarqyndy júrgizilip jatyr. Onyń ústine halyqtyń baspana satyp alýy úshin túrli jeńildikter qarastyratyn memlekettik baǵdarlamalar iske qosylǵan. Munyń bári bizdiń kásiporynnyń ónimderine degen suranysty arttyra túsedi», dedi Erjan Baımuqash.
«ModeX Astana» JShS-da úı qurylysyna qajetti blok qabyrǵalar óndiriledi. Zaýytta páterler tolyqtaı jınaqtalady, sosyn qurylys basynda tutas ǵımarat qalpynda qurastyrylady. Sonyń arqasynda qurylys jumystaryna jumsalatyn ýaqyt ájeptáýir qysqartylady. Jańa tehnologııa komfort sanattaǵy baspananyń naryqtyq qunyn aıtarlyqtaı tómendetýge múmkindik beredi.
Aıta keterligi, bul qurylystyń sapasyna esh keri áser etpeıdi.
«Bolashaq 2019» JShS – kásiporyn Nur-Sultan turǵyndaryn medısınalyq maskalarmen qamtamasyz etip, QR barlyq óńirlerine ónim jetkizedi.
Sondaı-aq «Kerim Plastic Pipes» JShS-polıetılen jáne polıpropılen qubyrlaryn jáne penopolıýretandy oqshaýlaýdaǵy metall jylý oqshaýlaǵysh qubyrlardy óndirý zaýyty ashyldy.