Jambyl oblysy Turar Rysqulov aýdanyndaǵy jaıylymnan 26 jylqy urlandy. Belgisiz bireýler aıdap ketken úıir erkin kúresten chempıon, Olımpıada oıyndarynyń júldegeri Aqjúrek Tańatarovqa tıesili bolyp shyqty, dep habarlaıdy Egemen.kz. Bul týraly Polisia.kz portaly habarlady.
Polısııanyń habarlaýynsha, sportshy tártip saqshylaryna jylqylaryn belgisiz bireýdiń urlap ketkenin aıtyp aryzdanǵan. Polısııa atalǵan fakti boıynsha qylmystyq kodekstiń 188-1-babynyń 4-bóligi (mal urlaý) boıynsha sotqa deıingi tergeýdi bastaldy.
Sonymen qatar mal urlyǵyna qatysy bar degen kúdikpen Jarlysý aýylynyń 31 jastaǵy turǵynyn ustady. Ol buǵan deıin mal urlyǵy úshin eki ret sottalǵan bolyp shyqty.
Er adamnyń múlki tárkilenip, jeti jyldan on eki jylǵa deıingi merzimge bas bostandyǵynan aıyrylýy múmkin.
Jylqylar ıesine qaıtaryldy.