22 jeltoqsanda saǵat 16.50-de Almaty oblysy TJ departamentine Almaty oblysy Sarqan aýdanynyń Muqan aýylynan 25 shaqyrym jerde ornalasqan sharýa qojalyǵy qystaǵynyń shopany (1988 jyly týǵan) mal jaıýǵa shyǵyp, adasyp ketkeni týraly habarlama tústi.
16 qutqarýshy men polısııa qyzmetkerinen jáne 6 birlik tehnıkadan qurylǵan 3 izdestirý toby izdestirý-qutqarý jumystaryn júrgizdi. Qutqarýshylar ornalasqan jerden izdeýdi uıymdastyrý ornyna deıingi araqashyqtyq 70 shaqyrymdy qurady.
Almaty oblysynyń Tótenshe jaǵdaılar departamentinde jedel shtab qurylyp, sharýa qojalyǵynyń jetekshisi shaqyryldy, ol joǵalǵan shopannyń múmkin bolatyn ornyn kartaǵa salýǵa kómektesti.
Qabyldanǵan sharalardyń arqasynda saǵat 22.45-te izdeý toby shopandy tapty, medısınalyq kómek qajet emes edi.