Erikti vaksınasııaǵa jazylýǵa bolady. Bul týraly jýrnalısterdiń suraqtaryna jaýap berý barysynda bilim mınıstri Ashat Aımaǵambetov málimdedi.
«Erikti bolý óte ońaı. Almaty, Taraz jáne Almatynyń birneshe klınıkalyq bazasynda tıisti sertıfıkattar bar, qazirgi ýaqytta skrınıng jáne eriktilerdi vaksınasııalaý júrgizilýde. Biz 3 myń eriktini alamyz, olardyń barlyǵy aǵymdaǵy jyldyń sońyna deıin vaksınasııalanady. Qazirgi kezde eriktilerdiń kóbi ekpe aldy. Shart jasalady, sharttar, ómirdi saqtandyrý máseleleri jáne belgilengen zańnamaǵa sáıkes keletin basqa da nıýanstar kelisiledi.
Birinshi kezeńdi jarııalaǵan kezde bizge ótinishter kóp kelip tústi jáne qabyldaýdy merziminen buryn toqtatýǵa májbúr boldyq. Ekinshi kezeńde jaǵdaı uqsas boldy deýge bolady. Úshinshi kezeńde biz kontıngentti kóp jınaıtyndyqtan 3 myń eriktini tańdap alý úshin aldyn ala qabyldaı bastadyq.
Búgingi tańda jazylýa jalǵasýda. Sondyqtan erikti bolǵysy keletin azamattar osy quqyq pen múmkindikti paıdalana alady», dedi mınıstr.