Er Máliktiń esimi berildi

Onda Keńes Odaǵynyń Ba­tyry, akademık-jazýshy Málik Ǵabdýllın esimi Uly Jeńis­tiń 75 jyldyǵyna oraı Qazaq­stan Respýblıkasy Ishki ister mınıstrligi Tótenshe jaǵ­daı­lar komıtetiniń Kókshetaý tehnıkalyq ınstıtýtyna beril­se, ejelden erlikti murat tuta­tyn Alash balasy úshin aq túıe­niń qarny jarylar edi degen bazyna aıtylǵan bolatyn. Shyn máninde bul másele sońǵy úsh jyldan beri saǵyzdaı sozylyp kelgen edi.

Maqala gazet betinde jaryq kórgennen keıin Qazaq­stan Res­pýblıkasy Parla­men­ti Máji­lisiniń depýtaty Ká­ri­baı Mu­syrman Ishki ister mı­nıstri Erlan Turǵym­baevqa de­pý­tattyq saýal jol­dap, má­se­leniń oryndy kóterilip otyr­­ǵandyǵyn aıtyp, qol­da­ǵan bolatyn. Taıaýda Kók­shege sú­ıinshi habar jetti. Qazaq­stan Respýblıkasy Úkime­tiniń janyndaǵy respýblı­kalyq onomastıkalyq komıssııa­sy­nyń bıylǵy 4 jeltoq­sandaǵy sheshiminiń qorytyn­dysy týraly aqparat tehnıka­lyq ıns­tıtýtqa joldanypty. Onda «Qazaqstan Respýb­lıkasy Tó­tenshe jaǵdaılar mınıs­tr­li­giniń Kókshetaý tehnıkalyq ıns­tıtýty» respýblıkalyq mem­lekettik mekemesine Málik Ǵab­dýllınniń esimi berilsin delingen.

Qýanyshty habardy esti­gen kókshetaýlyqtar bir jel­pinip qaldy. Batyr esimi keıin­gi urpaqty erlikke baýlyp, el­dikke uıytyp, bilimge ba­ǵyttap, ómirsheń ónege bolatyn boldy.

– Instıtýtqa halqymyzdyń aıaýly perzenti Keńes Odaǵynyń Batyry, zapastaǵy gvardııa pol­kovnıgi, KSRO Ǵylym aka­de­­mııa­synyń akademıgi, fılologııa ǵylymdarynyń doktory, professor Málik Ǵabdýl­lınniń esimi berilýi eń aldymen eldik­tiń belgisi boldy, – deıdi ıns­tıtýt basshysy, azamattyq qor­ǵanys polkov­nıgi Syrym Shárip­hanov. – Gýmanızm men azamat­tyqtyń ádemi úlgisindeı bolǵan qazaq halqynyń kórnekti uly úsh márte KSRO Joǵar­ǵy Ke­ńe­siniń depýta­ty bolyp saılanǵan, pedagog­ter­diń tálimgeri atanǵan memle­ket­tik qaı­rat­ker. Bizdiń ınstı­týt túlekteri Batyr atyn­daǵy oqý ornynyń abyroıyn as­qaqtatpaq. Osy másele kópten beri sheshimin tappaı kele jatyr edi. Qıyn túıinniń sheshi­lýine atsalysqan el gazeti – «Ege­menge» myń da bir rahmet!

Sóz qadiri bóz qadirinen arzandap ketken zamanda aǵa gazettiń aıtqan ýáji eskerilip, halyqtyń kókeıinde júrgen soqtaly máseleniń ońynan sheshilgeni qandaı jaqsy!

Aqmola oblysy