Halyqaralyq baıqaýshylar qatary tolyqty

Ortalyq saılaý komıssııasy tór­aǵasynyń orynbasary Konstantın Petrov azamattardy tekserý jáne olardy saılaýshylar tizimine engizý boıynsha júrgizilgen jumys jóninde baıan­dady. Otyrys qorytyndysy boıyn­sha OSK-nyń saılaýshylarǵa arnalǵan úndeýi men saılaýshylar tizimine engizý tártibi týraly BAQ-ta, óńirlerdegi qoǵamdyq oryndarda, resmı ınternet-resýrstarda jarııalanǵan aqparattyq plakattar qabyldandy. Bıylǵy 10 qarasha men 10 jeltoqsan aralyǵynda «azamattardy saılaýshylar tizimine engizý týraly» beınerolık respýblıkalyq telearnalarda 623 ret, al radıostansalardyń efırinde 642 ret jaryq kórgen. Budan bólek, halyqty qulaqtandyratyn aqparat baspasóz bet­terinde jáne ınternet-resýrstarda jarııa­lanǵan. Bul aqparat 47,6 mln ret onlaın qaralǵan.

О́ńirlerde jergilikti atqarýshy or­gandar azamattarǵa óziniń saılaýshylar tizimine engeni týraly aqparat alatyn call-ortalyqtar ashqan. Call-ortalyqtar saılaý naýqany bastalǵannan beri jumys istep keledi, osy ýaqyt ishinde olarǵa 42 myńǵa jýyq ótinish kelip tústi. K.Petrov osy jyldyń 26 jeltoqsanynan bastap árbir azamat tıisti saılaý komıssııalarynyń saılaýshylar tiziminen ózi týraly derekterdi tekserýge quqyly ekenin habarlady. Azamattar tizimge engizilmegeni, tizimnen shyǵyp qalǵany nemese saılaýshy týraly derekterde qate ketkenine shaǵymdana alady. Daýystardy sanaý bastalǵannan keıin saılaýshylar tizimine ózgerister engizýge tyıym salynady. Demalys úıleri, sanatorııler, turaqty emdeý-profılaktıkalyq mekemeleri, alys mal sharýashylyǵy ýchaskelerindegi, tergeý ızolıatorlary men ýaqytsha ustaý ızolıatorlaryndaǵy, sondaı-aq shet memleketterdegi Qazaqstan Respýblıkasynyń ókildikteri janyndaǵy saılaýshylar tizimderi saılaýshylarǵa tanysý úshin daýys beretin kúnge deıin bes kún buryn beriledi jáne bir kún buryn naqtylanýy tıis.

Otyrystyń ekinshi máselesi boıynsha OSK múshesi Anastasııa Shegorsova baıandama jasady. Onyń sózine qara­ǵanda, 2020 jylǵy 22 qazanda saılaý­dy halyqaralyq baqylaý ınstıtýty ashylǵan sátten bastap Ortalyq saılaý komıssııasy 4 halyqaralyq uıymnan jáne 5 shet memleketten 86 baıqaýshyny tirkegen. 22 jeltoqsandaǵy jaǵdaı boıynsha Ortalyq saılaý komıssııasyna Syrtqy ister mınıstrliginen akkre­dıtteýge 4 halyqaralyq uıymnan jáne 14 shet memleketten taǵy 190 baı- qaýshynyń kandıdatýrasy usynyldy. 4 halyqaralyq uıymnan barlyǵy 167 baıqaýshy bar. Olardyń ishinde TMD baıqaýshylary Mıssııasynyń quramynda – 142 baıqaýshy, EQYU Parlamenttik Assambleıasynyń quramynda – 9 baı­qaýshy, EQYU/DIAQB saılaýdy baıqaý jónindegi shekteýli Mıssııasynda – 2 baı­qaýshy; ShYU-dan baqylaýshylar Mıssııasynda 14 baıqaýshy bar. 14 mem­leketten akkredıtteýge 23 úmitker usy­nyldy, onyń ishinde: Ázerbaıjan, Ma­jarstan, Ispanııa Koroldigi, Nor­vegııa Koroldigi, Reseı Federasııasy men Fransııadan – 1 baıqaýshydan, Armenııa, Indonezııa, О́zbekstan, Túrkııa, Úndistan, Fılıppın jáne Shveı­sarııadan – 2 baıqaýshydan, al Rýmy­nııadan 3 baıqaýshyny tirkeýden ótkizý usynylǵan. Jıyn sońynda OSK múshe­leri halyqaralyq uıymdar men shet memleketterdiń baıqaýshylaryn akkre­dıtteý týraly qaýly qabyldady. Osy­laısha, 2020 jylǵy 22 jeltoqsandaǵy jaǵ­daı boıynsha 276 halyqaralyq baı­qaýshy tirkeldi.