Memlekettiń basty mindeti – qazaqstandyqtardyń ómiriniń joǵary sapasyn qamtamasyz etý jáne 2020-2025 jyldarǵa arnalǵan «Nurly jer» turǵyn úı-kommýnaldyq sharýashylyqty damytýdyń memlekettik baǵdarlamasy, 2005 jyldan bastap júrgizilip kele jatqan memlekettiń biryńǵaı turǵyn úı saıasatyn jalǵastyrý.
2020 jyly atalǵan baǵdarlamanyń barlyq qarjylandyrý kózderinen biryńǵaı turǵyn úı saıasatyn júzege asyrý tapsyrmasy aıasynda 14,1 mıllıon sharshy metr turǵyn úıdi paıdalanýǵa berý josparlanyp otyr (Baǵdarlamanyń josparlaryn iske asyrý nátıjeleri 2021 jyldyń basyndaǵy statıstıkalyq málimetter negizinde anyqtalady). Jyl sońyna deıin 15 mıllıon sharshy metr (150 myń turǵyn úı) salynady dep kútilýde.
Sonymen birge, osy jyldyń 11 aıynda 12,1 mln. sharshy metr turǵyn úı paıdalanýǵa berildi, bul 2019 jyldyń sáıkes kezeńimen salystyrǵanda 9,3%-ǵa artyq. Jalpy respýblıkada 106,1 myń turǵyn úı paıdalanýǵa berildi, onyń ishinde 37,7 myń jeke turǵyn úı, 17,6 myń memlekettik qoldaý arqyly salynǵan úıler. Osy kezeńde turǵyn úı qurylysyna 1,7 trln teńge kóleminde ınvestısııa tartyldy, bul 2019 jylǵy deńgeıden 33,4%-ǵa joǵary.
«Aıta ketý kerek, baǵdarlamany iske asyrý jeke ınvestısııalardy tartýdy yntalandyrdy. Sondyqtan osy jyldyń 11 aıynyń qorytyndylary boıynsha. ınvestısııalanǵan 1 teńge memlekettik qarajatqa 4 teńge jeke ınvestısııa tartyldy», dedi Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.
Turǵyn úılerdiń kóp bóligi, shamamen 10,9 mıllıon sharshy metr nemese 89,6% jeke qurylys salýshylar men turǵyndardyń tapsyrysy boıynsha júzege asyryldy. Memlekettik sektor paıdalanýǵa berilgen turǵyn úıdiń jalpy kóleminiń 9,7%-yn quraıdy (nemese shamamen 1,2 mln sharshy metr).
Sonymen birge turǵyn úıdi paıdalanýǵa berý boıynsha kóshbasshylar – Nur-Sultan qalasy (157,1%), Shyǵys Qazaqstan (118,8%), Qaraǵandy (117,4%), Soltústik Qazaqstan (112%), Túrkistan (110, 8%) oblystary.
Jalpy, turǵyn úıdi paıdalanýǵa berý kóleminiń ótken jylmen salystyrǵanda ósýi eldiń 15 oblysynda baıqalady: Shyǵys Qazaqstan (118,8%), Qaraǵandy (117,4%), Soltústik Qazaqstan (112%), Túrkistan (110,8 %), Qostanaı (106,6%), Mańǵystaý (105,8%), Aqtóbe (104,7%), Jambyl (104,3%), Almaty (103,2%), Aqmola (102,8%), Pavlodar (101,4%), Batys Qazaqstan (100,3%), Nur-Sultan (157,1%), Shymkent (104,2%) jáne Almaty (101,9%) qalalary.