«Samuryq-Energo» AQ energetıkalyq kásiporyndary ózderiniń kásibı merekesine oraı jyldyq josparlaryn merziminen buryn oryndap shyqty: Ekibastuz GRES-2 4,7 mln kVt/s elektr energııasyn óndirdi, bul jospardyń 107%-yn quraıdy, Moınaq SES-i – 915 myń kVt saǵattan astam elektr energııasyn óndirdi (104%). «Bogatyr kómir» JShS kenishterinde óndirilgen kómirdiń kólemi 41,8 mln tonnany qurady (jyldyq jospardyń 104%-y).
Tutas alǵanda, «Samuryq-Energo» AQ energııa óndiretin uıymdary kórsetkishterdiń byltyrǵymen salystyrǵandaǵy ósý qarqynyn saqtaı otyryp, 2020 jylǵy 20 jeltoqsandaǵy jaǵdaı boıynsha 29 897 mln kVt/s elektr energııasyn óndirdi (103%), ıaǵnı byltyrǵy osyndaı kezeńnen 3% kóp. Bul eldegi jalpy óndirilgen energııa kóleminiń 28%-na jýyqtaıdy. Jyl sońynda kompanııa Qazaqstan energetıkasynyń is júzinde bolashaq kelbetin qalyptastyratyn túbegeıli ári mańyzdy jobalardyń keıbirin aıaqtap, jańalaryn qolǵa aldy.
2020 jyly «Samuryq-Energo» AQ Shardara SES-in tolyq modernızasııalady. Jobaǵa 38 mlrd teńge ınvestısııa salyndy. Qaıta jańǵyrtý jumystary arqyly SES-tiń qyzmet etý merzimi 45-50 jylǵa deıin uzaryp, energııa óndirý jylyna 480-nen 537 mln kVt/saǵatqa deıin ulǵaıdy. «Samuryq-Energo» AQ eki jel elektr stansasynyń (JES) qurylysyn bastady. Birinshisi – qýattylyǵy 60 MVt, al bolashaqta 300 MVt-ǵa jetetin Shelek dálizinde. Ekinshi JES Aqmola oblysynyń Ereımentaý aýdanynda ornalasqan. Stansanyń aýmaǵynda 11 jel energetıkalyq qurylǵylaryn ornatý josparlanyp otyr, onyń jıyntyq qýaty 50 MVt bolady. Jańa JES-ter óndiretin elektr energııasy elimizdiń Ulttyq elektr jelilerine túsip otyrady. «Samuryq-Energo» AQ jańǵyrmaly energııa kózderi nysandary jyldyń 11 aıynda 303,793 mln kVt/s energııa óndirdi, bul respýblıkadaǵy jańǵyrmaly energııa kózderi nysandary óndirgen elektr energııasy kóleminiń 10%-yn quraıdy.
«Samuryq-Energo» AQ men reseılik «RýsAl» BK teń negizde basqaratyn kompanııa – «Bogatyr kómir» JShS «Bogatyr» kenishinde taǵy bir mańyzdy jobany – «Kómirdi qazyp alýdyń sıkldik-aǵyndy tehnologııasy» jobasyn bastady. Bul tehnologııany engizý kómirdi temir jol kóligin paıdalaný qıyn soǵatyn 200 metrden astam tereńdikten qazyp alýǵa múmkindik týǵyzyp, «Bogatyr» kenishiniń qýattylyǵyn jylyna 40 mıllıon tonnaǵa deıin ulǵaıtady.
2020 jyly COVID-19 pandemııasyna baılanysty, álemdegi problema «Samuryq-Energo» holdınginiń energııa kásiporyndaryn da syrt aınalyp ótken joq. Kúrdeli epıdemııalyq jaǵdaıda kompanııa óziniń elektr stansalary men kómir óndiretin nysandarynyń shtatty rejimde jumys isteýin qamtamasyz etti. TJ rejimi qazaqstandyq energetıkterdiń joǵary bilikti maman ekenin kórsetip, salanyń kez kelgen jaǵdaıda tez jumyla jumys isteı alatynyn baıqatty. «Samuryq-Energo» AQ 2020 jyly qarjylyq turaqtylyqqa da qol jetkizdi. Osydan nebári eki jyl buryn «Samuryq-Energo» qarjylyq turaqtylyq boıynsha «qyzyl aımaqta» bolatyn. Kompanııa menedjmenti qabyldaǵan sharalardyń nátıjesinde, atap aıtqanda, qaryzdy azaıtý, valıýtalyq nesıeni ýaqtyly ári oıdaǵydaı qaıta qarjylandyrý, sondaı-aq valıýtalyq mindettemelerdi hedjdeý jáne teńgede konvertasııalaý arqyly kompanııa nesıelik táýekeldiń «jasyl aımaǵyna» shyqty.
Qolǵa alynǵan jumystardyń nátıjesi boıynsha Fitch Ratings reıtingilik agenttigi «Samuryq-Energo» AQ-tyń uzaq merzimdi reıtıngterin «VV» deńgeıinde rastady, boljam «Turaqty», sondaı-aq kompanııanyń kredıtti tóleýge óz betinshe qabilettiligi reıtıngin «B»-den «B+»-ke deıin joǵarylatty.
Aıta ketelik, «Samuryq-Energo» AQ – Qazaqstandaǵy asa iri elektr energetıkalyq holdıng, aksııalarynyń 100%-y «Samuryq-Qazyna» UÁQ» AQ-qa tıesili. 2007 jyly qurylǵan. Jumysynyń negizgi baǵyttary: elektr jáne jylý energııasyn óndirý; elektr energııasyn jetkizý, bólip-taratý jáne satý; energetıkalyq kómir óndirý. Holdıngtiń quramyna energııa jáne kómir óndirý kásiporyndary, sonyń ishinde: «Ekibastuz GRES-1» JShS, «Ekibastuz GRES-2 stansasy» AQ, «Bogatyr kómir» JShS, «Almaty elektr stansalary» AQ, «O.D.Qantaev atyndaǵy Moınaq sý elektrstansasy» AQ, «Shardara SES» AQ jáne t.b. kiredi.