«Syrtqy saıası zertteýler ınstıtýty» AQ-nyń 2020 jylǵy jumys nátıjeleri týraly qorytyndy otyrysy boldy. Oǵan Instıtýttyń dırektorlar keńesin basqaratyn Parlament Senaty Tóraǵasynyń orynbasary Asqar Shákirov jáne Syrtqy ister mınıstri Muhtar Tileýberdi qatysty, dep habarlaıdy Egemen.kz.
Shara aıasynda «SSZI» AQ Basqarma Tóraǵasy Aıymdos Bozjigitov Qazaqstan úshin eleýli qyzyǵýshylyq týdyratyn ózekti problemalar boıynsha aǵymdaǵy jyly Instıtýt júrgizgen kólemdi jáne jan-jaqty ǵylymı-taldaý jumysy týraly habardar etti.
Elimizdiń syrtqy saıasatynyń ózekti baǵyttaryn iske asyrý boıynsha praktıkalyq usynymdardy ázirleý kezinde basshylyqqa únemi usynylatyn jáne nazarǵa alynatyn boljamdyq-taldaý qujattarynyń sıpaty sóz boldy.
Atalǵan qujattardyń aýqymy geosaıasat, ekonomıka, energetıka, adam quqyqtary, ekologııa, kóshi-qon, qaýipsizdik salalaryn, ekijaqty jáne kópjaqty yntymaqtastyqtyń basqa da baǵyttaryn qamtydy.
Senat Tóraǵasynyń orynbasary óz sózinde Instıtýttyń jumysyna oń baǵa berip, tájirıbeli dıplomattardan, sonyń ishinde tótenshe jáne ókiletti elshilerden turatyn onyń ujymynyń joǵary kásibıligin atap ótti.
Atalǵan jumys eldiń 2020-2030 jyldarǵa arnalǵan syrtqy saıasat tujyrymdamasynyń erejelerine negizdeledi, ol qazirgi zamanǵy syn-qaterler turǵysynan alǵanda is-qımyl baǵdarlamasy bolyp tabylady. Osyǵan baılanysty aldaǵy jyly Instıtýt el basshylyǵy qoıǵan mindetter aıasynda jumystyń basym baǵyttaryn anyqtaýǵa tıis.
TMD memleket basshylary keńesiniń otyrysynda sóılegen sózinde Prezıdent Qasym-Jomart Toqaev halyqaralyq qaýipsizdik pen turaqtylyqty qamtamasyz etýdiń ózektiligin atap ótip, «memleketaralyq qatynastardyń shıelenisý jáne ózara senimsizdik jaǵdaıynda ornyqty damý men ilgerileý múmkin emes» ekenin atap ótti.
«Qalyptasyp otyrǵan jaǵdaıda aýmaqtyq tutastyq pen egemendikti qamtamasyz etý, ásirese olardy mazmundyq turǵydan baıytý máseleleri erekshe nazar aýdarýdy talap etedi. Shekara mańy baılanystary, transshekaralyq sý resýrstaryn birlesip paıdalaný, esirtki trafıgine qarsy kúres, adam saýdasy jelisi boıynsha óńirlik yntymaqtastyqty jetildirý de asa mańyzdy. Joǵaryda atalǵan kún tártibi Memleket basshysynyń AО́SShK-ti Azııadaǵy qaýipsizdik pen damý jónindegi tolyqqandy uıymǵa aınaldyrý jospary aıasynda erekshe mańyzǵa ıe bolyp otyr», - dedi A.Shákirov.
Mınıstr M.Tileýberdi jyl qorytyndysyn shyǵara otyryp, Instıtýttyń jahandyq saıasattaǵy, álemdik ekonomıkadaǵy jáne halyqaralyq qaýipsizdiktegi ózekti trendterdi zertteýdegi qyzmetiniń joǵary nátıjelerin atap ótti. Sondaı-aq, eldiń ulttyq múddelerin tıimdi qorǵaý úshin álemdik jáne óńirlik prosesterge joǵary sapaly ǵylymı-zertteý saraptamasyn júrgizýdiń mańyzdylyǵyna toqtaldy.
Instıtýtqa QR-nyń shetelderdegi mekemelerimen, sondaı-aq uqsas sheteldik zertteý ortalyqtarymen tyǵyz jáne turaqty baılanys ornatý usynyldy.
Kezdesý qorytyndysy boıynsha «SSZI» AQ ózin eldiń syrtqy saıası baǵytyn saraptamalyq turǵyda qoldaý jónindegi «aqyl-oı ortalyǵy» retinde kórsete bildi degen ortaq pikir aıtyldy.