Búgin Túrkistan oblysynda osydan segiz jyl buryn 27 áskerı qyzmetshiniń ómirin qıǵan AN-72 áskerı ushaǵy apat bolǵan orynda, sondaı-aq UQK ShQ barlyq aýmaqtyq bólimshelerinde eske alý jıyny ótti, dep habarlaıdy Egemen.kz.
Is-sharaǵa din ókilderi jáne «Zastava tarlandary» respýblıkalyq qoǵamdyq birlestigi fılıalynyń ardager-shekarashylary, sondaı-aq qaıtys bolǵandardyń jaqyndary, týǵan-týystary qatysty.
UQK Shekara qyzmeti Túrkistan oblysy boıynsha departamenti áskerı qyzmetshileriniń bastamasymen óz eliniń naǵyz patrıottary – Otan saqshylaryn ulyqtaı otyryp, ushaq apaty bolǵan orynǵa memorıaldyq taqta ornatyldy.
Memorıal basynda ońtústik shekarashylary marqum bolǵan qarýlastarynyń qurmetine duǵa-tilekterin arnap, gúl shoqtaryn qoıdy.
Eske sala keteıik, 2012 jyldyń 25 jeltoqsany kúni memleketimizde qaraly kún jarııalanǵan edi. Qystyń qytymyr kúninde el astanasynan Shymkent qalasyna bet alǵan QR UQK Shekara qyzmetiniń AN-72 áskerı ushaǵy apatqa ushyrady.
Saıram aýdany Tassaı eldi mekeni mańynda oryn alǵan ushaq apatynan 27 adam qaza tapty. Bul táýelsiz el tarıhynda bolǵan eń iri qaıǵyly oqıǵa edi.