11 qańtarda úshinshi - oqý jylyndaǵy eń uzaq toqsan bastalady. 1-5 synyp oqýshylary da «kezekshi synyp» rejıminde bilimin jalǵastyrady. Bul týraly brıfıng barysynda Nur-Sultan qalalyq bilim basqarmasynyń basshysy Sholpan Qadyrova aıtty, dep habarlaıdy Egemen.kz.
Vedomstvoaralyq komıssııa sheshimimen oqý oryndarynyń jumysyna ózgertýler engizildi.
«Úshinshi toqsanda bitirý synyptary (9, 11, 12 synyptar) kezekshi sabaq prınsıpi boıynsha aralas formatta oqýdy bastaıdy. Synyptaǵylar sany 15 adamnan aspaıdy. Oflaın sabaq kestesine ınvarıantty komponenttiń pánderi kiredi: orys tili men ádebıeti, qazaq tili men ádebıeti, shet tili, algebra, geometrııa, fızıka, hımııa, bıologııa, geografııa, Qazaqstan tarıhy jáne dúnıejúzi tarıh. Bul pánderdiń 70%-y.
Qalǵan 30% pánder qashyqtan oqý formatynda ótedi. Bul ınformatıka, ózin-ózi taný, dene shynyqtyrý, quqyq negizderi, alǵashqy áskerı daıyndyq. Sondaı-aq aýyspaly komponenttiń taqyryptary kestege sáıkes asınhrondy túrde ótedi», - dedi Sh.Qadyrova.Bıylǵy oqý jylynda elordada 9-synypta 13 215, 11-synypta 7567 bala oqıdy.
«Mektepterde ıkemdi kesteler bolady, sabaqtar arasyndaǵy úzilis ár synypqa ár túrli ýaqytta bolady, al áleýmettik alshaqtyq úshin aýysym kóbeıtiledi. Bir sabaqtyń ýaqyty 5 mınýttyq úzilispen 30 mınýttan aspaıdy», - dep túsindirdi spıker.Bilim berýdi jańǵyrtý ortalyǵy úshinshi toqsanda qalanyń barlyq mektepteri basshylyqqa alatyn ádistemelik usynystar, keste jasady. Sabaq kestesin qurý kezinde joǵary synyp oqýshylarynyń jas erekshelikteri, olardyń qabiletteri men qajettilikteri, sondaı-aq 11-synyp oqýshylarynyń jańartylǵan bilim berý mazmunyna kóshýi jáne kiriktirilgen sabaqtardy ótkizý múmkindigi eskerildi.«Sonymen birge ata-analar men muǵalimderdiń kelisimimen mektep oqýshylarynyń bilim alýda joǵaltqan ýaqytynyń ornyn toltyrý jáne sabaqtan tys kezle qorytyndy attestattaýǵa daıyndalý maqsatynda 5 adamnan aspaıtyn toptarda jeke konsýltasııalar uıymdastyrylady. Sabaqtyń ýaqyty kestege sáıkes. Bul sheshim ata-analar men muǵalimderdiń pikirin eskere otyryp qabyldandy. О́zderińiz biletindeı, oqý jylynyń sońynda bitirýshi synyptar qorytyndy attestattaýdan jáne UBT-dan ótedi. Bul máselege erekshe nazar aýdarý kerek», - dedi Sh. Qadyrova.
Aıta keteıik, mektepterdegi barlyq is-sharalar men sabaqtar sanıtarlyq normalarǵa sáıkes ótedi.