«Shın-Laın» kompanııasy sarapshylarynyń baǵalaýy boıynsha, Jańa jylǵa elimizdiń saýda jelilerine balmuzdaqtyń 12,5 mln porsııasy kelip tústi. Mamandar qazaqstandyqtardyń sýyq desertke degen qajettiligi jeltoqsan aıynda baıqalady dep boljaıdy. Tek «Shın-Laın», Qazaqstandaǵy balmuzdaqtyń iri óndirýshisi – jeltoqsan aıynda 412 tonna balmuzdaqty jóneltti, bul shamamen 5 mln porsııany quraıdy.
Sarapshylar ótip bara jatqan jyldyń daǵdarys kezeńinde balmuzdaq tutynýdyń tómendemegenin, kerisinshe ósý ústinde ekendigin aıtady. Mysaly, «Shın-Laın» maýsym qorytyndysy boıynsha aqshalaı ósim baıqalady. Balmuzdaq tutynýdyń eń kóp ósimi Aqtaý, Taldyqorǵan, Kókshetaý, Qaraǵandy, Almaty, О́skemen jáne Nur-Sultan qalalarynda kórindi.
Euromonitor kompanııasynyń derekteri boıynsha 2020 jyldyń 9 aıynda Qazaqstanda balmuzdaq pen muzdatylǵan desertter bólshek saýdanyń aǵymdaǵy qunynyń 14%-ǵa jáne bólshek saýda kóleminiń 4%-ǵa ósýin kórsetip, 99,2 mlrd teńge men 28 300 tonnaǵa jetti. Naryq kóshbasshysy 40% úlesimen «Shın-Laın» kompanııasy bolyp tabylady.
«Pandemııa barlyq adamdar úshin, sonyń ishinde bıznes úshin de synaqqa aınaldy. Biraq kez-kelgen daǵdarys tek problemalar ǵana emes, sonymen qatar ol – jańa múmkindikter. Biz muny túsinemiz, sondyqtan naryqta óz pozısııamyzdy saqtap qana qoımaı, ótken jylmen salystyrǵanda naryq úlesin 5 paıyzǵa ulǵaıttyq. Búgin biz balmuzdaqtyń 100-den astam ataýyn shyǵaramyz. Osy jyly jańa ónimder iske qosyldy – «Júzim-injir» jemis lýkýmy Bahroma premıým serııasyn tolyqtyrdy, al «kámpıtter serııasyndaǵy» kópshilikke jaqsy tanys jáne súıiktisine aınalǵan «Lesnaıa belochka», «Korovka», «Smak» balmuzdaqtaryna KSRO ýaqytynan beri belgili lımonadtyń jarqyn dámi bar «Klıýchık Býratıno» jemis muzy qosyldy. Jyl saıynǵy jańalyqtar – bul bizdiń dástúrimiz, biz qazirdiń ózinde tutynýshylarǵa keler jyly usynatyn erekshe dámder men jańa sheshimderdi ázirleý ústindemiz», - dedi «Shın-Laın» kompanııasynyń bas dırektory Vladımır Pak.
Kúrdeli 2020 jyly tutynýshylar negizinen iri sýpermarketterde balmuzdaq satyp alý trendin qalyptastyrdy jáne osy trend kúsheıe túsýde – iri jeliler arqyly satýdyń ósýi orta eseppen tórtten birge ósti. Satyp alýshylardy ártúrli qaptamalardyń keń suryptalymy, bólshek saýda jelilerindegi brendter men dámderdiń kóbeıýi qyzyqtyrady.