Shymkent qalasynyń ákimi Murat Áıtenov ardagerlermen ótken kezdesýde osy jylǵy atqarylǵan jumystardy saralady, dep habarlaıdy Egemen.kz
Basqosýda aǵa býyn ókilderi qalanyń gúldenýi men ári qaraı damýy úshin árqashan keńesýge daıyn ekenin jetkizdi.
– Indetke baılanysty ózderińizben uzaq ýaqyt júzdese almadyq. Alaıda jańa jyl qarsańynda shaqyrtýymyzdy qabyl alǵandaryńyz úshin raqmetimdi jetkizgim keledi. Qalany gúldendirý jolynda sizderdiń aqyl-keńesterińiz ben oı-pikirlerińiz biz úshin óte mańyzdy. Aldaǵy jyly da, ár bastamany sizdermen keńesip, birlese jumys atqaratyn bolamyz, – dedi qala ákimi.
Murat Dúısenbekuly kelesi jylǵy josparlar jóninde de qysqasha baıandady. Sóz sońynda ardagerlerdi jańa jyl merekesimen quttyqtap, uzaq ómir, baqytty ǵumyr tiledi.
Kezdesýde barlyq sanıtarlyq-epıdemııalyq talaptar saqtaldy.