Búgin, 7 jeltoqsan kúni Tarazda«Eýrazııa barysy» týrnıri márege jetti. Onyń bas báıgesin Qazaqstan quramasy jeńip aldyi. Bul týraly www.egemen.kz tilshisi habarlady.
Týrnırge Qazaqstan, Mońǵolııa, Túrkııa, Iran, Tájikstan, Polsha, Reseı jáne Qytaı eliniń quramalary qatysty. Ekinshi aınalymda Qazaqstan men Tájikstandy, Mońǵolııa Reseıdi 5:0 etip utty. Budan ári jubatý kezdesýleri bastalyp ketti. Ol baýyrlas tájik jáne parsy palýandary arasyndaǵy shaıqaspen arna tartty. Kezdesý tájikterdiń ırandyqtardy 4:1 etip jeńýimen bitti. Reseı palýandary Túrkııany dál osyndaı eseppen utty. Sodan soń Qytaı jáne Polsha komandalary 7-8 oryndar úshin talasty. Onda polıaktar 3:2 esebimen basym tústi. Budan keıin 5-6 oryndar úshin Iran jáne Túrkııa talasyp, parsylar 4:1etip utyp shyqty. Al 3-4 oryndar úshin talas Reseı jáne Tájikstan quramalary arasynda ótti. Orystar bul kezdesýge jaraqat alyp qalǵan bir sportshysynsyz shyqty. Ol aldyn ala bir upaıdy berip qoıdy degen sóz. Mine, osy olqylyqty reseılik Fılıppov birinshi shaıqasta taza jeńiske jetip, toltyryp berdi. Budan ári tartys qyza tústi. Sebebi, taǵy bir tájik jeńiske jetti de, komandasyn alǵa shyǵardy. Sol kezde kilemge shyqqan reseılik Artem Kovalevskıı qarsylasyn birden taza jeńdi de, jalpy esepti 2:2-ge jetkizdi. Bárin sońǵy beldesý sheshti. Onda reseılik Dmıtrıı Mıhalev asa tartyspen ótken jekpe-jekte tájik atletin tize búktirdi. Bul Reseı quramasyna úshinshi oryn alyp berdi.
Fınalda Mońǵolııa jáne Qazaqstan quramalary kezdesti. Ádettegideı kezdesýdi 60 kıloǵa deıingiler bastady. Ol asa tartysty ótti. Degenmen, bir múmkindigin tapqan Abzal Arystanbekov taza jeńiske jetti. Sodan keıin 70 kılodaǵy Erlan Estenniń kezegi keldi. Ol da ózi úshin upaı berýmen bastalǵan beldesýdi aqyrynda taza jeńispen aıaqtady. Úshinshi jupta Ersin Muhamedjanov kilemge bet aldy. Shaıqas eki jaqtyń bir-birin baıqaýymen órbidi. Mundaǵy teketires aıqastyń sońyna deıin sozyldy. Ol teń bolyp aıaqtaldy. Sosyn taza beldesý tártibi berildi. Onda Ersin 3 sekýndta mońǵoldy taza jeńip ketti. Sóıtip, bas júldeniń taǵdyry sheshildi. Ony Qazaqstan quramasy ózinde qaldyrdy.
Biraq eki el palýandary arasyndaǵy shaıqas jalǵasa berdi. Tórtinshi jupta Muhıt Tursynov pen mońǵolııalyq qazaq Serik Berdimurat ustasty. Ekeýi uzaq yrǵasty. Bir-birin alýlary qıynǵa tústi. Eki barys bir-birin ala almady. Sosyn Muhıt jolyn Serikke berdi. Al sońǵy synaqqa 196 kılolyq mońǵol bizdiń Beıbit Ystybaev qarsy shyqty. Ekeýiniń aqyryn ańdysýynyń bir sátinde Beıbit tamasha ádis qoldanyp, eki sentrenrlik qarsylasyn taza jeńdi. Osymen esep – 4:1. Qazaqstan jeńis toıyn toılady.
Sóıtip, týrnırge qatysýshy komandalar qorytyndy kestede bylaısha ornalasty: 1.Qazaqstan; 2. Mońǵolııa; 3. Reseı; 4. Tájikstan; 5. Iran; 6. Túrkııa; 7. Polsha; 8. Qytaı.
Dastan Kenjalın.
Derekkóz: Egemen.kz.