Búgin premer-mınıstr Iınglak Chınavat Taıland koroli Phýmıpon Adýlıadetten parlamentti taratýyn surady. Bul týraly ITAR-TASS habarlady.
Taılandta 9 jeltoqsan kúni Iınglak Chınavat úkimeti men oppozısııa arasyndaǵy tartysqa sońǵy núkte qoıatyn iri narazylyq aksııasy bolady dep kútilýde. Ereýilshiler bul kúndi «memlekettik tóńkeristiń sońǵy shaıqasy» dep atap, jeńilis tapqan jaǵdaıda óz erikterimen bılikke beriletinderin alǵa tartty.
Oppozısıonerler Bangkok turǵyndaryna 9 jeltoqsan kúni ótetin narazylyq sherýleri saldarynan qala kóshelerinde keptelister oryn alatynyn aldyn-ala eskertken bolatyn. Qaýipsizdik sharalary aıasynda munda 30 mektep pen 4 ýnıversıtet jumystaryn ýaqytsha toqtatqan. Eldegi ýshyqqan jaǵdaıǵa baılanysty premer-mınıstr Iınglak Chınavat jeltoqsan aıyna belgilengen barlyq is-saparlaryn keıinge qaldyrdy.
Taıland oppozısııasy úkimettiń otstavkaǵa ketýine qol jetkizbek. Elde narazylyq aksııalary bastalǵaly beri qaqtyǵys saldarynan 5 adam qaza bolyp, 300-ge jýyǵy jaraqat alǵan.
Aıdar О́risbaev.
Derekkóz: Itar-tass.com