BUU Bas hatshysy Pan Gı Mýn Fransııadaǵy saparyn aıaqtaı salyp, Nelson Mandelamen qoshtasý keshine qatysý úshin Ońtústik Afrıka Respýblıkasyna attanady. Bul týraly halyqaralyq uıymnyń málimetine silteme jasaǵan ITAR-TASS habarlady.
«Bas hatshy 10 jeltoqsanda OAR-dyń burynǵy prezıdenti Nelson Mandelamen qoshtasý rásimine qatysady», – dep jazyldy BUU baspasóz qyzmetiniń aqparynda.
6 jeltoqsanda qaıtys bolǵan ońtústikafrıkalyq kóshbasshymen qoshtasý rásimi seısenbi kúni Iohannesbýrgtegi stadıondaryń birinde ótedi. Al 15 jeltoqsanda ol óziniń týǵan Kýný qalasynda jerlenedi dep kútilýde.
BUU Bas Assambleıasy 2009 jyldan beri 18 shildeni «Nelson Mandelanyń halyqaralyq kúni» dep bekitti. Sondaı-aq Nelson Mandelanyń qurmetine Nıý-Iorktaǵy 102 qabattyq «Empire State Building» ǵımaraty senbi kúni OAR týynyń tústerimen boıaldy.
AQSh prezıdenti Barak Obama Nelson Mandelanyń ómirden ótkenin estigende, onyń qurmetine aq úıdiń, ózge de federaldy mekemelerdiń, eldegi jáne sheteldegi áskerı bazalar men elshilikterdiń týlaryn túsiýge tapsyrma berdi. Barak Obamamen qatar, taǵy kóptegen memleket basshylary Nelson Mandelamen qoshtasý rásimine qatysýǵa nıet bildirip otyr.
Aıdar О́risbaev.
Derekkóz: Itar-tass.com