Keshe Astanada «Geologııa – 360 gradýs» atty ashyq áńgime alańy ótkizildi. Munda Qazaqstan Respýblıkasy Indýstrııa jáne jańa tehnologııalar vıse-mınıstri Nurlan Saýranbaev pen elimizdiń tehnıkalyq joǵary oqý oryndary basshylary arasynda geologııa jáne jer qoınaýyn paıdalaný salasyndaǵy kadr áleýetin qalyptastyrý boıynsha túsinistik jáne seriktestik týraly memorandýmǵa qol qoıyldy.
Keshe Astanada «Geologııa – 360 gradýs» atty ashyq áńgime alańy ótkizildi. Munda Qazaqstan Respýblıkasy Indýstrııa jáne jańa tehnologııalar vıse-mınıstri Nurlan Saýranbaev pen elimizdiń tehnıkalyq joǵary oqý oryndary basshylary arasynda geologııa jáne jer qoınaýyn paıdalaný salasyndaǵy kadr áleýetin qalyptastyrý boıynsha túsinistik jáne seriktestik týraly memorandýmǵa qol qoıyldy.
Atalǵan memorandýmnyń maqsaty – Qazaqstan Respýblıkasyndaǵy mıneraldy-shıkizat kesheni qorlaryn damytý boıynsha salalyq baǵdarlamany oryndaý jáne geologııa salasyna kásibı kadrlardy daıarlaý. Osy máselelerdi talqylaǵan ashyq áńgime alańyna memlekettik organdardyń, JOO-lardyń, jer qoınaýyn paıdalanýshy kompanııalardyń jáne BAQ ókilderi qatysty.
Qazaqstan óz táýelsizdigine ıe bolǵannan keıingi ekonomıkada qalyptasqan qurylymdyq ózgeristerge sáıkes kóp jyldardan beri elimizde geologııa salasynyń mamandaryna suranystyń bolmaı kelgendigi belgili. Sondyqtan salaǵa mamandardy daıarlaý men óndiristegi kadr arasyndaǵy sabaqtastyqtyń burynǵy tini úzilip ketken bolatyn.
Alaıda, qazir jaǵdaı ózgerdi. Geologııa salasynyń, onyń mamandarynyń qajettiligi jyl ótken saıyn arta túsýde. Osyǵan baılanysty geologııa mamandaryn ázirleý men olardyń biliktiligin arttyrý máselesi QIIDB aıasynda qabyldanǵan salalyq damý baǵdarlamasynyń negizgi bólimderiniń birine aınaldy. Qazirgi tańda Úkimette geologııa mamandyqtaryn Qazaqstannyń memlekettik synyptaýyshyna engizý máselesi qarastyrylýda. Sebebi, qazirgi kezde geologtar, gırogeologtar men geofızıkter «Geologııa jáne paıdaly qazbaly ken oryndaryn barlaý» mamandyǵy boıynsha oqytylady.
2013 jyly «Geologııa jáne paıdaly qazbaly ken oryndaryn barlaý» salasy boıynsha 3324 túlek oqý oryndaryn bitirip shyqty. Onyń 1456-sy memlekettik tapsyrys boıynsha oqytyldy.
Osy rette Indýstrııa jáne jańa tehnologııalar mınıstrliginiń elimizdiń kadr áleýetin arttyrý úshin qosymsha sharalardy qabyldaýdy usynǵandyǵyn aıta ketý kerek. Bul sharalarda birqatar máseleler qarastyrylǵan. Onyń ishinde jylma-jyl ótip jatatyn olımpıadalarǵa qatysý úshin «Jas geolog» úıirmelerin damytý, «Bolashaq» baǵdarlamasy boıynsha JOO-daǵy grant sanyn kóbeıtý, geologııa mamandyǵy boıynsha bilim alatyn úzdik stýdentterge ataýly shákirtaqylardy taǵaıyndaý, stýdentterdi jer qoınaýyn paıdalanýshylardyń kelisimsharttyq mindettemelerinde qarastyrylǵan 1 paıyzdyq kólemindegi aýdarymdaryn paıdalana otyryp, elimizdegi jáne sheteldik kásiporyndardyń qoldanystaǵy bazalaryna óndiristik tájirıbeden ótýge jiberýdi uıymdastyrý jáne taǵy basqa máseleler qarastyrylǵan.
Suńǵat ÁLIPBAI,
«Egemen Qazaqstan».