Atyraý oblysynda ornalasqan Teńiz kenishindegi ınfeksııalyq stasıonarda 669 naýqas emdelip jatyr, dep habarlaıdy Egemen.kz
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte 81 adam koronavırýs juqtyrdy. Qaýipti indetten 29 naýqas emdelip shyqty.
«Koronavırýsqa shaldyqqandardyń arasynda Atyraý qalasynan 8 naýqas tirkeldi. Sondaı-aq, Teńiz kenishinde 66 jumysshydan, Jylyoıaýdanynda 4, Qurmanǵazy aýdanynda 3 adamnan COVID-19 anyqtaldy. Naýqastardyń 11-inde koronavırýstyń sımptomdy túri bar», dep habarlady basqarmanyń baspasóz qyzmeti.
Qazir 267 adam úı jaǵdaıynda emdelýge jiberildi.
Al oblystyq ınfeksııalyq stasıonarda 103, aýdandardaǵy ınfeksııalyq stasıonarlarda 40 pasıent emdelip jatyr. Teńiz kenishinde stasıonarda jatqyzylǵan naýqastar 669 adamǵa jetip otyr.