Oblystyq sanıtarııalyq-epıdemıologııalyq baqylaý departamenti baspasóz qyzmetiniń aqparatyna qaraǵanda, Jylyoı aýdanynda sýshıden 47 adam ýlandy. Olardyń bári «Trı Samýraıa» dámhanasynan tapsyryspen aldyrǵan sýshımen tamaqtanyp, keıin dárigerlerge júginipti, dep habarlaıdy Egemen.kz
«Qazir aýdandyq ortalyq aýrýhananyń juqpaly aýrýlar bóliminde 9 naýqas jatyr. Bulardyń jaǵdaıy jaqsaryp keledi. О́z qalaýymen ambýlatorlyq em alýǵa jiberilder de bar.. Al basqa naýqastar densaýlyǵynyń túzelýine baılanysty aýrýhanadan shyǵaryldy. Sýshıden ýlanǵan naýqastarmen qarym-qatynasta bolǵandar anyqtalyp, medısınalyq baqylaýǵa alyndy», dedi Jylyoı aýdandyq ortalyq aýrýhanasynyń dırektory Nurbek Úkibaev.
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, turǵyndarǵa sýshı satqan «Trı samýraıa» dámhanasy jabyldy.