Qazaqstan Parlamenti Májilisiniń Tóraǵasy Nurlan Nyǵmatýlın Aýǵanstan Islam Respýblıkasy Parlamenti Volesı Djırgasynyń vıse-spıkeri Mohammed Saldjýk bastaǵan aýǵanstandyq parlament delegasııasyn qabyldady, dep habarlady osy palatanyń baspasóz qyzmeti.
Qazaqstan Parlamenti Májilisiniń Tóraǵasy Nurlan Nyǵmatýlın Aýǵanstan Islam Respýblıkasy Parlamenti Volesı Djırgasynyń vıse-spıkeri Mohammed Saldjýk bastaǵan aýǵanstandyq parlament delegasııasyn qabyldady, dep habarlady osy palatanyń baspasóz qyzmeti.
Taraptar parlamentaralyq ózara is-qımyl basymdyqtaryn talqylaı kelip, salalyq komıtetter men yntymaqtastyq jónindegi toptar arasyndaǵy baılanys qarqynyn arttyrý ekijaqty qarym-qatynastyń odan ári nyǵaıýyna jol ashatynyn tilge tıek etti.
Ásirese, Aýǵanstandaǵy jaǵdaıdy turaqtandyrýǵa basa nazar aýdaryldy.
Májilis Tóraǵasynyń atap ótkenindeı, Aýǵanstandaǵy qaýipsizdik pen damýǵa yqpal etý – Qazaqstan Prezıdentiniń syrtqy saıasatyndaǵy basym baǵyttardyń biri. Elbasy Nursultan Nazarbaevtyń bastamasynyń arqasynda bizdiń memleketimiz atalǵan elge jyl saıyn ekonomıkalyq jáne gýmanıtarlyq, olardyń qatarynda, azyq-túlik jáne janar-jaǵar maı jetkizý túrindegi kómek kórsetip keledi.
2010 jyldan beri aýǵandyq jastar úshin bilim baǵdarlamasy tabysty júzege asyrylýda. Qazirgi ýaqytta Qazaqstan joǵary oqý oryndarynda 600-den astam aýǵandyq stýdent bilim alýda. Odan ári sózin sabaqtaǵan N.Nyǵmatýlın:
– 2014 jyl tek Aýǵanstan ǵana emes, barlyq aımaq úshin óte mańyzdy. О́ıtkeni, keler jyldyń sáýir aıynda ótetin prezıdenttik saılaý memlekettiń bolashaq jaǵdaıyna aıtarlyqtaı yqpal etetin bolady, – dedi.
О́z kezeginde M.Saldjýk Qazaqstan Prezıdentine bizdiń elimizdiń Aýǵanstanǵa kórsetip otyrǵan qoldaýy úshin, mańyzdy áleýmettik, gýmanıtarlyq kómekteri úshin alǵysyn bildirdi.
Májilis spıkeri, sondaı-aq, Qazaqstannyń aldaǵy ýaqytta da zamanaýı qaýip-qaterlerge qarsy Aýǵanstanmen yntymaqtastyq tıimdiligin arttyrý úshin ShYU, UQShU, AО́SShK sııaqty aımaqtyq uıymdardyń birlesken kúshin qoldaıtyndyǵyn atap ótti.