Petropavl qalasynda Parlament Májilisiniń depýtattyǵyna kandıdat Esjan Orazalın men oblystyq máslıhat depýtattyǵyna kandıdat Sergeı Leontev «Prıvokzalnyı» shaǵyn aýdanynyń turǵyndarymen kezdesti. Nur Otan ókilderi qalalyqtarmen TKSh jáne qalany abattandyrý máselelerin talqylady.
Kezdesý barysynda «О́ńirlik saılaýaldy baǵdarlama aıasynda «Kazahstanskaıa pravda» kóshesinde kabeldi joǵary voltty jeliler men bir transformatorlyq qosalqy stansany qaıta qurý josparlary qarastyrylǵan. Partııa jylýmen jabdyqtaý jelilerin salý men qaıta qurýǵa qol jetkizetin bolady. Sondaı-aq sýmen jabdyqtaý jáne sý burý jelilerin salý jáne qaıta qurý josparda bar», dedi Esjan Orazalın.
Osylaısha jelilerdiń tozý deńgeıi tómendeıdi. Sonymen qatar partııa músheleri turǵyn úılerdiń aýlalaryn, balalar oıyn alańdaryn jáne aýlaishilik joldardy jóndeýdi jáne abattandyrýdy josparlap otyr.
Kandıdattar partııanyń josparlaryn júzege asyrý úshin saılaýshylardyń qoldaýy qajet ekenin atap ótti.
Sondaı-aq Májilis depýtattyǵyna úmitker Jadyra Tańatarova «Esikten esikke» aksııasy aıasynda Saıram eldi mekenindegi Tassaı turǵyn alabynyń turǵyndarymen kezdesti. О́z kezeginde turǵyndar Nur Otan partııasynyń ókilin jyly, merekelik kóńil kúımen qabyldap, jumystaryna tabys tiledi.
Jadyra Naǵashybaıqyzy turǵyndarǵa Nur Otan partııasynyń saılaýaldy baǵdarlamasyn tanystyrdy. Sondaı-aq baǵdarlamanyń basym bóligi qala turǵyndarynan praımerız kezeńinde kelgen 685 usynys negizinde daıyndalǵanyn jetkizdi.
«Nur Otan partııasy halyqtyq partııa jáne árdaıym halyqtyq partııa bolyp qala beredi. О́ıtkeni bas partııa elimizdiń árbir azamatynyń taǵdyry úshin jaýap beredi. Nur Otan partııasy qýatty jáne tabysty memlekettiń qalyptasýyna yqpal etedi. Partııa elimizdiń árbir azamatynyń máselelerin jaqsy biledi jáne túsinedi. Bas partııada qazaqstandyqtardyń ómir súrý sapasyn jaqsartýǵa barlyq resýrstar bar», dep atap ótti J.Tańatarova.
Sondaı-aq J.Tańatarova Nur Otan partııasynyń saılaýaldy baǵdarlamasyndaǵy Shymkent qalasynyń damýy men halyqtyń ál-aýqatyn jaqsartýǵa baǵyttalǵan negizgi 10 baǵytyn (turǵyn úımen qamtamasyz etý, áleýmettik salany damytý, ekonomıkalyq áleýetti jaqsartý, shaǵyn jáne orta bıznestiń damýyna jaǵdaı jasaý, shalǵaıdaǵy eldi mekenderdi kórkeıtý, ekologııalyq ahýaldy jaqsartý, jol jáne kólik ınfraqurylymy, qoǵamdyq qaýipsizdik, jastardy qoldaý, qalany sıfrlandyrý) tanystyryp, aldaǵy 5 jyl kóleminde júrgiziletin jumystarǵa toqtalyp ótti.
Kezdesý barysynda turǵyndar qoǵamdaǵy ózekti bolyp tabylatyn densaýlyq saqtaý, múmkindigi shekteýli jandardy qoldaý, joldar jáne kólik ınfraqurylymy syndy máseleler boıynsha óz suraqtaryn qoıdy. Kezdesýde jergilikti halyq ókili, aqsaqal Asan Serikbaev qatań karantın kezinde partııa naqty kómek kórsetkenin aıtty. Sonymen qatar ol búkil otbasymen 10 qańtarda saılaý ýchaskesine baryp, óz tańdaýlaryn jasaıtynyn jetkizdi.