*Qostanaı oblysy 35 elge astyq eksportyn jasaıdy. Bul týraly málimdegen oblystyq aýyl sharýashylyǵy basqarmasynyń basshysy Fedor Fılıppov aımaqtyń 5 jyldaǵy astyq eksporty 7,4 mln. tonnadan asqanyn aıtty. Ol respýblıka jóneltilimderi jalpy kóleminiń 31 paıyzyn quraıdy.
*Qostanaı oblysy 35 elge astyq eksportyn jasaıdy. Bul týraly málimdegen oblystyq aýyl sharýashylyǵy basqarmasynyń basshysy Fedor Fılıppov aımaqtyń 5 jyldaǵy astyq eksporty 7,4 mln. tonnadan asqanyn aıtty. Ol respýblıka jóneltilimderi jalpy kóleminiń 31 paıyzyn quraıdy.
*Ońtústik Qazaqstan oblysy taýarlaryn Máskeýde ótkizý kelisimine qol jetkizdi. Bul Reseı delegasııasynyń Shymkentke qazaqstandyq taýarlardy Máskeý naryǵynda ótkizýdiń múmkindikterin talqylaýǵa kelgen sapary barysynda sheshildi.
*Shyǵys Qazaqstan oblysy bıylǵy jylytý maýsymyna 21 mlrd. teńge bóldi. Oblys ákimi Berdibek Saparbaevtyń keshe Tótenshe jaǵdaılar mınıstri Vladımır Bojkomen kezdesýi barysynda anyqtalǵan bul derekte sondaı-aq 10 mlrd. teńgeniń jylý berý nysandaryna beriletini de keltirildi.
*Almaty oblysynda 10 otbasy «Qoljetimdi turǵyn úı» baǵdarlamasy boıynsha qonys toıyn toılady. Qarasaı aýdanynda paıdalanýǵa berilgen bul úılerge memlekettik qyzmetkerler, jas mamandar, turmystary tómen jáne kóp balaly otbasylary, múmkindigi shekteýli jandar ornalasty.
*Pavlodar oblysynyń mal ósirýshileri jańartylatyn energııa kózderin belsendi paıdalanýǵa kóshti. Oǵan Indýstrııalandyrý kartasy aıasynda iri mal sharýashylyǵy keshenin salyp jatqan Baıanaýyl aýdanyndaǵy «Jaıma» MTS» seriktestigi birinshi bolyp qol jetkizip otyr.
*Atyraý oblysy Qulsary aýdanynda jyl sońyna deıin 3 nysan qatarǵa qosylady. Jylyoı aýdanynyń ákimi Maksım Izbasovtyń aıtýynsha, jyl sońyna deıin kúnine 250 adamdy qabyldaı alatyn emhana, 280 orynǵa shaqtalǵan balabaqsha men 624 oqýshyǵa arnalǵan mektep paıdalanýǵa beriledi.
*Qyzylorda oblysy Qazaly aýdanyndaǵy bir ferma sıyrlary qazaqtyń kúılerimen saýylatyn boldy. Buryn osy úderistiń kezinde Mosart pen Bethovenniń mýzykalaryn tyńdap kelgen iri qara tuqymy endi Qurmanǵazy men Dınanyń daýylpaz kúılerine de qulaq túre bastady. Mal dárigeri Dáýren Súıinovtiń aıtýyna qaraǵanda, osydan keıin súttiń mólsheri kóbeıe túsken.
«QazAqparat», BNews.kz, Egemen.kz habarlary boıynsha daıyndaldy.