Qyzylorda oblysynda kıik atý deregi tirkeldi. «Quqyq tártibi» jedel-profılaktıkalyq is sharasy barysynda Qazaqstan Respýblıkasy IIM Baıqońyr qalasyndaǵy ókildiginiń qyzmetkerleri túngi saǵat 03.20 shamasynda Tóretam kentinen «Batys Eýropa – Batys Qytaı» tas jolyna shyǵatyn jolda «Lada Largýs» markaly avtokólikti toqtatady. Tekserý barysynda avtokóliktiń júksalǵyshynan 4 bas kıik ushasy tabyldy. Budan bólek, júksalǵyshtan 1 qoıan, 12 kalıbrli eki ańshy myltyǵy men oq dáriler aıǵaq zat retinde alyndy, dep habarlaıdy Egemen.kz.
Kıik atqan eki kúdiktige qatysty Qazaqstan Respýblıkasy Qylmystyq kodeksiniń 339-baby 2-bóliginiń 2-tarmaǵymen sotqa deıingi tergep – tekserý amaldary júrgizilýde. Qazir kúdiktilerge qatysty bultartpaý sharasyn tańdaý máselesi sheshilýde.
Barlyq qajetti saraptamalar taǵaıyndaldy. Polıseıler oqıǵanyń mán – jaılaryn anyqtaýda.