Elbasy Nursultan Nazarbaevtyń tikeleı tapsyrmasy boıynsha dástúrli túrde jalǵasyp kele jatqan prezıdenttik olımpıada sońǵy eki jyldan beri Qaraǵandy oblysynyń Temirtaý qalasynda ótkizilip keledi. Buǵan uıytqy bolyp otyrǵan Bilim jáne ǵylym mınıstrligi «Daryn» ǵylymı-praktıkalyq ortalyǵy ekenin aıta ketkenimiz jón.
Elbasy Nursultan Nazarbaevtyń tikeleı tapsyrmasy boıynsha dástúrli túrde jalǵasyp kele jatqan prezıdenttik olımpıada sońǵy eki jyldan beri Qaraǵandy oblysynyń Temirtaý qalasynda ótkizilip keledi. Buǵan uıytqy bolyp otyrǵan Bilim jáne ǵylym mınıstrligi «Daryn» ǵylymı-praktıkalyq ortalyǵy ekenin aıta ketkenimiz jón.Bıyl da sol úrdis jaratylystaný matematıkalyq baǵyt boıynsha altynshy ret jalǵasty. Bul bilim saıysynyń negizgi maqsatyna keler bolsaq, elimizdi álemdegi eń áleýetti básekege qabiletti elge aınaldyrý, bilim berý júıesin ınnovasııalyq damý jolyna túsirý, osy negizde fızıka, matematıka, hımııa, bıologııa pánderin talantty oqýshylardyń tereń meńgerip shyǵýyna múmkindik jasaý edi.
Joǵaryda atalǵan pánder boıynsha jastardyń erekshe talpynysyn týǵyzyp otyrǵan bilim saıysyna umtylýshylardyń sany jyl saıyn artyp kele jatyr. Mysaly, 2012 jyly 186 oqýshy qatyssa, 2013 jyly tilek bildirýshiler odan áldeqaıda mol boldy. Bul olımpıadanyń qandaı artyqshylyǵy bar degenge berer jaýap, jeńimpazdar men júldegerlerge joǵary oqý ornyna túsý kezinde artyqshylyqtardyń bolatyndyǵy. Aǵymdaǵy jylǵy bilim saıysynda birinshi dárejeli dıplom men altyn medalmen – 9, ekinshi dárejeli dıplommen jáne kúmis medalmen – 18, úshinshi dárejeli dıplommen jáne qola medalmen – 30 oqýshy marapattaldy.
Eki júzge taıaý talapkerlerdiń arasynan ozattardy tańdaý ońaı bola qoıǵan joq. Áıtse de, bilim biligi myqty akademık Muhtarbaı О́telbaev bastaǵan qazylar alqasy naǵyz talanttardy iriktep aldy.
Súleımen MÁMET,
«Egemen Qazaqstan».