Tyǵyryqtan shyǵardy

Buqtyrma sý qoımasyndaǵy ótkeldiń jaıy kúrmeýi sheshilmeıtin máselege aınalyp,  jyldar boıy Kúrshim, Marqa, Úlken Naryn óńiri halqynyń oblys ortalyǵymen qatynasýyn qıyndatyp kele jatqan edi.

Keshegi keńes dáýirinde Ertis ózeni – Buqtyrma sý qoımasy arqyly ótkel qyzmetin atqaryp turǵan «Ertis», «Enıseı» atty eki úlken parom jarty ǵasyrǵa jýyq jóndeý kórmeı paıdalanylǵandyqtan ábden eskirip, jol prokýratýrasy tarapynan júzýine tyıym salynǵan bolatyn.

Buqtyrma sý qoımasyndaǵy ótkeldiń jaıy kúrmeýi sheshilmeıtin máselege aınalyp,  jyldar boıy Kúrshim, Marqa, Úlken Naryn óńiri halqynyń oblys ortalyǵymen qatynasýyn qıyndatyp kele jatqan edi.

Keshegi keńes dáýirinde Ertis ózeni – Buqtyrma sý qoımasy arqyly ótkel qyzmetin atqaryp turǵan «Ertis», «Enıseı» atty eki úlken parom jarty ǵasyrǵa jýyq jóndeý kórmeı paıdalanylǵandyqtan ábden eskirip, jol prokýratýrasy tarapynan júzýine tyıym salynǵan bolatyn. Olardyń ornyna kómir-qum sııaqty sýsymaldy materıaldar tasymaldaýǵa arnalǵan tirkemeli «Samaı» men «Suńqar» atty shaǵyn eki barja kelgen edi. Menshik ıeligindegi shaǵyn paromdar jel kóterilse, qabyrshyq muz tússe, júre almaıdy. Ondaı kezde О́skemenge týra jol jabylatyn. Eki jaǵada ýlap-shýlap qalǵan halyqtyń jaǵdaıyn túsiný qıyn emes. Aınalma jol Zyrıan, Zaısan qalalaryn basyp ótetindikten, oblys ortalyǵy tipti alystady. Jol shyǵyny eselep artyp, qanshama ýaqyt zaıa ketetin boldy. О́zi bı, ózi qoja menshik ıeleri «qashan júrem, qashan toqtaımyn ózim bilemin» dep kergidi, qalaıda paıda tabý úshin tasymal qunyn ósirdi. Neshe jyl boıy, amal joq, óńir halqy oǵan da kóndi. Jyǵylǵanǵa judyryq degendeı, «ishten shyqqan» taksıster jol aqysyn asyryp, 220 shaqyrymdyq О́skemenge deıin 5000 teńgeden «taksa» qoıdy. Taýardyń, tamaqtyń, qurylys materıaldarynyń baǵasy eriksiz-yryqsyz aıǵa shapty.

Sóıtip júrgende, jaqynda eldiń shetin­de­gi, jeldiń ótindegi halyqtyń kózi ashyldy.

Oblys ákimi B.Saparbaevtyń pármendi kó­megimen dızeldi «Enıseı» elektrohody kom­mý­nal­dyq menshikke ótip, oblystyq bıýdjetten qarjy bólinip, kúrdeli jóndeýden ótken soń «Kúrshim» dep aty qazaqshalanyp, qaıta paıdalanýǵa berildi. Qazir «Qyzyl tý» parom ótkeliniń barlyq máselesimen aınalysatyn «OblShyǵysjol» mekemesi bazasynda jeke jaýapkershiligi shekteýli seriktestigi quryldy.

«Kúrshim» paromynyń iske qosylýyna oraı saltanatty shara ótkizildi. Aıtýly sharada óńir basshysy Berdibek Saparbaev kúr­shimdikterdi jaǵymdy jańa­lyq­pen quttyqtap, aýdannyń ór­kendeı túsýine tilek bildirdi. Paromnyń jeke menshikten memleket menshigine ótýi Birikken Arab Ámirlikterinen kelgen iskerlik serik­tes­tikterdiń demeýshiliginiń arqasynda, 80 mln. teńge grant bólinip, júzege asqandyǵyn atap, olarǵa rızashylyǵyn bildirdi.

60 jeńil kólik syıatyn, 185 tonna júk kóteretin paromnyń 6 baldyq shtormǵa, qolaısyz aýa raıyna da tótep beretindigi qa­tynastyń qaýipsizdigine kepil bol­maq. Eki jaǵadaǵy uzyn-sonar kezek kelmeske ketti.

Sonymen, týra joldyń kó­lik qatynasy retke keltirildi. Tasymal baǵasynyń tómen­deýi de qýantady. Parom bekitilgen kes­te boı­ynsha tańǵy saǵat 6-dan keshki saǵat 9-ǵa deıin kúnine 16 reıs jasaıdy. Elektrohod qa­lyńdyǵy 25 santımetrge deıin­gi muzdy jaryp júre alady.

–  Sát sapar saǵan, «Kúrshim»  pa­ro­my! – deı­di búginde aýdan hal­qy asqan rıza­shy­­lyq­pen.

Kúrshim, Marqakól óńiriniń turǵyndary atynan:

E.Aqtekenov, N.Qaıyrov, N.Qalıtova, S.Ysqaqov, A.Shalabaev.

Shyǵys Qazaqstan oblysy.