Ortaq múdde oraıyndaǵy kezdesý

Qazaqstan Respýblı­ka­synyń Qorǵanys mınıstri Ádilbek Jaqsybekov Qazaqstanǵa resmı saparmen kelgen Túrik Respýblıkasynyń Ulttyq qorǵanys mınıstri Ismet Iylmazben kezdesti.

Qazaqstan Respýblı­ka­synyń Qorǵanys mınıstri Ádilbek Jaqsybekov Qazaqstanǵa resmı saparmen kelgen Túrik Respýblıkasynyń Ulttyq qorǵanys mınıstri Ismet Iylmazben kezdesti.

– Qazaqstan men Túrkııa arasyndaǵy yntymaqtastyq qazirgi tańda baýyrlas el­de­rimiz basshylarynyń ar­qasynda belsendi túrde damyp keledi. Túrkııa – Qazaqstannyń táýelsizdigin tanyǵan tuńǵysh memleket. Alǵashqylardyń biri bolyp, Qarýly Kúshterdi damytýdyń ártúrli aspektileri boıynsha óz tájirıbelerin bólisýge ázirligin bildirgen bolatyn, dep atap ótti Á.Jaq­sybekov.

Kásibılendirý búginde Qazaqstan áskeri úshin ózekti baǵyttardyń biri bolyp tabylady. Osy baǵytta Qazaqstan áskerı vedomstvosy túrik áskeriniń irikteý júıesin damytý, shaqyrý, áskerı personaldy esepke alý men baǵalaý tájirıbesin zerdeleý­ge múddeli.

Áskerı bilim men ǵy­lym qazaq-túrik áskerı ynty­maq­tastyǵynyń ma­ńyzdy baǵyty bolyp tabylady. Qazaqstan Qorǵanys mınıstrligi Túr­kııa áskerı oqý oryndarynda qazaqstandyq áskerı qyz­metshiler úshin oqytý kvota­syn arttyrýǵa, sondaı-aq Qazaqstannyń Ulttyq qor­ǵanys ýnıversıtetinde dáris oqý úshin professorlyq-oqy­týshylar quramyn shaqyrýǵa múddeli. «Elimizdiń áskerı mekemesin jetildirýdiń ma­ńyz­dy bóligi bilikti jáne daıyn­dalǵan mamandar bolyp ta­bylady», – dep atap ótti Á.Jaq­sybekov osy oraıda.

Taraptar osyǵan deıin Ankarada ótken kezdesý eki­jaqty ózara is-qımyldyń baǵyttaryn naqtylap, bola­shaqtaǵy basymdyqtardy neǵurlym aıqyndap bergenin atap ótti.

Á.Jaqsybekov pen I.Iyl­maz ekijaqty yn­ty­­maqtastyq, onyń ishinde ás­ke­rı-tehnıkalyq ózara is-qımyl salasyndaǵy bir­qatar ózekti máselelerdi talqylady. Odan keıin Qazaq­stan men Túrkııa qorǵanys vedomstvolarynyń basshylary elektrondy-optıkalyq qurylǵylar óndiretin «Qa­zaqstan ASELSAN ınjınırıng» qazaq-túrik birlesken kásipornynyń ashylý rásimine qatysty. Qazaqstandyq mamandar osy zaýyttyń ónimderin ártaraptandyrý múmkindigin qarastyrýda.

Á.Jaqsybekov I.Iyl­mazǵa Qazaq­stannyń qor­ǵanys ónerkásibi salasyn damytýǵa qosqan úlesi úshin alǵys bil­dirip, Túrkııa Qazaqstan úshin halyqaralyq áskerı jáne áskerı-tehnıkalyq yn­tymaqtastyqta senimdi árip­tester qatarynda qala beretinin jetkizdi.

«Egemen-aqparat».