Atyraý qalalyq polısııa basqarmasynyń qyzmetkerleri 4 kúnde 616 ákimshilik quqyq buzýshylyqty tirkedi, dep habarlaıdy Egemen.kz
Onyń ishinde kóligine ksenon, led shamyn taqqan 57 júrgizýshi, qaýipsizdik beldigin taqpaǵan – 47, kólik júrgizý quqyǵynan aıyrylǵan kúıinde rýlge otyrǵan – 4, aıyppulyn tólemegen – 15, mas kúıinde kólik júrgizgen 11 júrgizýshi jaýapkershilikke tartylyp otyr
«Mersedes-Benz 320» avtokóligin basqarǵan 27 jastaǵy júrgizýshiniń kólik júrgizý quqyǵynan aıyrylǵany anyqtaldy. Oǵan qatysty QR Ákimshilik quqyqıýuzýshylyq týraly Kodeksiniń 612-babynyń 3-bólimimen (júrgizýshi quqyǵynan aıyrylǵan kúıinde kólik basqarǵany úshin) ákimshilik hattama toltyrylyp, sot sheshimimen 145 850 tenge kóleminde aıyppul salyndy. Al, «Toyota Land Cruiser» avtokóligin tekserý kezinde 44 jastaǵy júrgizýshisiniń alkogoldik ishimdik ishkeni belgili boldy. Sot sheshimimen mas júrgizýshi 15 táýlikke qamaýǵa alynyp, 7 jyl merzimge kólik júrgizý quqyǵynan aıyryldy» dep habarlady departamenttiń baspasóz qyzmeti.
Al ıeleri aıyppulyn tólemegen 15 avtokólik arnaýly turaqqa qoıyldy. Onyń ishinde Reseı Federasııasynda tirkelgen 13, Armenııa Respýblıkasynan ákelingen 2 avtokólik bar. Máselen «Kia Optima» avtokóligi júrgizýshisiniń 830 myń teńgeni quraıtyn 53 aıyppulyn tólemegeni anyqtalyp otyr.