Búgin Almaty qalasy Kásipkerlik jáne ınvestısııa basqarmasynyń basshysy Erkebulan Orazalın Almatydaǵy ShOB-ty qoldaý jáne ónerkásipti damytý sharalary, sondaı-aq «Almaty Business-2025» baǵdarlamasyn týraly aqparat berdi, dep habarlaıdy Egemen.kz.
Almaty úshin shaǵyn jáne orta bıznestiń óte mańyzdy ekenin eskere otyryp, qala ákimdigi osy sektorǵa jan-jaqty qoldaý kórsetýde jáne ekonomıkany qalpyna keltirý úshin daǵdarysqa qarsy barlyq qajetti sharalardy, onyń ishinde «Almaty Business-2025» aımaqtyq kásipkerlikti damytý baǵdarlamasy aıasynda qabyldaýda.
Baǵdarlama bıznespen jumys jasaýdyń bes negizgi ınstıtýsıonaldy baǵytyn qamtıdy. Onyń quramyna Qolday kásipkerlik ortalyǵyn, nesıe berý úshin jeke jáne mıkroqarjy ınstıtýttaryn qurý, Almaty qalasy aýmaǵynda óndiristik parkterdi uıymdastyrý, keıbir kásipkerlerge jeke ári shaǵyn óndiristerin uıymdastyrýlary úshin jeńildetilgen nesıe usyný enedi.
E. Orazalın pandemııaǵa ári jyldyń kúrdeli bolǵandyǵyna qaramastan nesıeleýdi keńeıtý, ınfraqurylymdy damytý, óndiristi, kásipkerlikti qoldaý jáne jumys oryndaryn saqtaý sharalarynyń Almaty ekonomıkasyna oń áser etkenin atap ótti.
Máselen, Qolday kásipkerlik ortalyǵy 2020 jyly isterin jańadan bastaǵandarǵa, jalpy kásipkerlerge 90 myńǵa jýyq keńes berdi. Búgingi kúni jalpy somasy 42 mıllıard teńgeni quraıtyn 52 joba boıynsha keńester berildi. «Bir tereze» qaǵıdaty boıynsha 500-den astam ruqsat qujattary usynyldy.
Ortalyqta ShOB ókilderine óz bıznesin damytýǵa qatysty túrli memlekettik organdar men uıymdardan ruqsat qujattaryn alý úshin tegin qoldaý kórsetiledi, sonymen qatar túrli qarjy ınstıtýttarynda qarjyny jeńildikpen alýlaryna kómektesedi.
«Biz oryn alǵan kemshilikterdi joıyp, isterin jańadan bastaǵan kásipkerlerge 5 mıllıonǵa deıingi kólemdee granttar berdik, olar grant alǵannan keıingi alǵashqy kezeńde óz bıznesterin tegin júrgize alady. Ekinshi kezeńde bıznes-josparlardy ázirleý boıynsha ári zańgerlik jáne býhgalterlik keńester kórsetiledi. Eger ekinshi kezeńde óz bıznesterin durys júrgizip, ony keńeıtýdi qalasa, onda olar bizdiń shaǵyn qarjy ınstıtýttarymyzǵa júginip, 6%-dyq mólsherlememen jeńildetilgen nesıe alýlaryna bolady», - dedi E. Orazalın.
Onyń aıtýynsha, bul ınstıtýttar Almaty qalasy ákiminiń tikeleı tapsyrmasy boıynsha jergilikti bıýdjet qarjysy esebinen granttar kólemin ulǵaıtý aıasynda qosymsha ekojúıemen qamtylady.
Jalpy, bızneske qarjylaı qoldaý kórsetýge 12,2 mlrd teńge bólindi. Qarjylandyrýdy «Almaty Finance» nesıelik uıymy jáne «Almaty» MQU júzege asyrady. «Almaty Finance» 500 mıllıon teńgege deıin iri jáne orta jobalarǵa nesıe berýdi qarastyrady, «Almaty» shaǵyn jáne mıkrobızneske baǵyttalǵan ári munda nesıeniń eń joǵarǵy mólsheri 70 mıllıon teńge deńgeıinde belgilengen.
Jalpy alǵanda 40-tan astam jobaǵa nesıe berildi.
Aıta keterldigi, bul ınstıtýttar pandemııa kezinde dári-dármekpen qamtamasyz etýdi turaqtandyrý prosessterine de qatysty. Mysaly,osy qarjy ınstıtýttary tarapynan bóliegen 12,2 mlrd teńgeniń 4 mıllıardy Almaty qalasyndaǵy iri dıstrıbıýterlik kompanııalarǵa, medısınalyq zattar men dári-dármekterdi jetkizýshilerge berildi.Osy oraıda Turaqtandyrý qoryn uıymdastyrý ıdeıasy týyndady. Tipti, ony elimizdiń ózge óńirleri de ilip áketip, utymdy paıdalana bastady. Qarjynyń qalǵan bóligi — 60%-ǵa jýyǵy óńdeý ónerkásibi salasyndaǵy jobalarǵa jumsaldy.
О́ndiristik parkterdi uıymdastyrý tetigi de oıdaǵydaı jumys isteı bastady. Osy oraıda maqsat qalalyq ákimdik iri bızneske bos ǵımarattar men qurylystardy qalpyna keltirýge nemese jańa oryn salýy úshin 6%-ben jeńildetilgen nesıe beredi.
«Munda osy jobaǵa qosymsha retinde óndiristik parkter rezıdentteriniń jylyna 2% -dyq mólsherlememen nesıe berý múmkindigi qarastyrylǵan. Bul — QR balamasy joq aksııa. Biz búgingi kúni osyndaı úsh jobanyń oıdaǵydaı jumys jasap jatqanyn maqtanyshpen aıta alamyz. Úsh joba tolyǵymen jabdyqtalǵan, isterin jańa bastaǵan kásipkerler osy óndiristik oryndardy jalǵa aldy. Bulardan ózge, biz Indýstrııalyq aımaqta osyǵan uqsas óndiristik parkterdi qurý úshin jalpy alańy 40 myń sharshy metr bolatyn 4 jer ýchaskelerin qosymsha bóldik. Barlyq qujattama, erejeler ázirlendi jáne qabyldandy. Búgingi kúni Indýstrııalyq aımaqtaǵy 4 óndiris parkine áleýeti joǵary qatysýshylardan 50 astam ótinish kelip tústi», - dedi E. Orazalın.
E. Orazalın pandemııa kezinde zardap shekke qandaı salalarǵa ákimdik tarapynan qoldaý kórsetilgeni týraly aıta kelip, 2020 jyly nesıelerdiń 70%-ynyń saýda men qyzmet kórsetý salasyna bóliegenin atap ótti. Mańyzdysy sol, osy nesıelerdiń arqasynda bıznes aýqymy artty jáne qarjy aınalymy tolyqty.