2013 jylǵy 24 qyrkúıek Astana, Úkimet Úıi«Qazaqstan Respýblıkasy arnaýly memlekettik organdarynyń qyzmetkerlerine turǵyn úı tólemderiniń mólsherin aıqyndaý, taǵaıyndaý, qaıta esepteý, júzege asyrý jáne toqtatý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 jeltoqsandaǵy № 1727 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:1. «Qazaqstan Respýblıkasy arnaýly memlekettik organdarynyń qyzmetkerlerine turǵyn úı tólemderiniń mólsherin aıqyndaý, taǵaıyndaý, qaıta esepteý, júzege asyrý jáne toqtatý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 jeltoqsandaǵy № 1727 qaýlysyna (Qazaqstan Respýblıkasynyń PÚAJ-y, 2013 j., № 6, 137-qujat) mynadaı ózgerister men tolyqtyrýlar engizilsin:joǵaryda kórsetilgen qaýlymen bekitilgen Qazaqstan Respýblıkasy arnaýly memlekettik organdarynyń qyzmetkerlerine turǵyn úı tólemderiniń mólsherin aıqyndaý, taǵaıyndaý, qaıta esepteý, júzege asyrý jáne toqtatý qaǵıdalarynda:2-tarmaqtyń 1) tarmaqshasy mynadaı redaksııada jazylsyn:«1) turǵyn úı tólemderi – Qazaqstan Respýblıkasy arnaýly memlekettik organdarynyń turǵyn úıge muqtaj qyzmetkerlerine (budan ári – qyzmetkerler) arnaýly memlekettik organdardyń turǵyn úı qorynan turǵyn úı berýdiń ornyna respýblıkalyq bıýdjet qarajaty esebinen arnaýly aqshalaı qamtamasyz etý túrinde tólenetin, óńirler jáne otbasy quramy boıynsha saralanǵan aqshalaı qarajat kólemi. Turǵyn úı tólemderi aǵymdaǵy jáne birjolǵy tólemderden turady;»;15, 16, 17-tarmaqtar mynadaı redaksııada jazylsyn:«15. 2013 jylǵy 1 qańtarǵa deıingi merzimde turǵyn úımen qamtamasyz etilmegen jáne 2013 jylǵy 1 qańtardaǵy jaǵdaı boıynsha 10 jáne odan da kóp jyl áskerı qyzmet, arnaýly memlekettik organdarynda qyzmet ótili bar qyzmetkerlerge birjolǵy turǵyn úı tóleminiń mólsheri 2013 jylǵy 1 qańtardaǵy jaǵdaı boıynsha qyzmetker qyzmet ótkerip júrgen Qazaqstan Respýblıkasynyń tıisti óńirindegi bir sharshy metrdi jalǵa alý qunynyń mólsherin onyń ózgerýin eskere otyryp, árbir otbasy múshesine on segiz sharshy metr paıdaly alań esebinen turǵyn úı alańyna jáne muqtaj mártebesinde turǵan aılarynyń sanyna kóbeıtý arqyly aıqyndalady.Bul rette birjolǵy turǵyn úı tólemderin alý úshin turǵyn úıge múqtaj mártebesinde bolǵan kezeńi ulttyq qaýipsizdik organdarynyń, Qazaqstan Respýblıkasy Prezıdentiniń Kúzet qyzmeti jáne syrtqy barlaý organynyń mekemelerindegi qyzmetin qosa eseptegendegi qyzmet ótkerip júrgen kezeńde turǵyn úıge muqtaj dep tanylǵan kúnnen bastap, al atalǵan kúndi belgileý múmkindigi bolmaǵan jaǵdaıda, ulttyq qaýipsizdik organdarynyń, Qazaqstan Respýblıkasy Prezıdentiniń Kúzet qyzmeti jáne syrtqy barlaý organynyń mekemelerinde qyzmet atqarǵan kezeńinde turǵyn úıge muqtaj dep taný týraly alǵashqy jazbasha ótinishin (baıanatyn) bergen kúninen bastap belgilenedi.16. Qyzmetkerlerge Zańnyń 101-1-babynyń 6-tarmaǵynda jáne 7-tarmaǵynyń birinshi bóliginde kózdelgen negizder boıynsha beriletin birjolǵy turǵyn úı tólemderiniń mólsheri qyzmetker jumystan bosatylǵan kúngi jaǵdaı boıynsha qyzmetker qyzmet ótkergen Qazaqstan Respýblıkasynyń tıisti óńirindegi turǵyn úıdiń bir sharshy metrin jalǵa alý qunynyń mólsherin onyń ózgerýin eskere otyryp, otbasynyń árbir múshesine on segiz sharshy metr paıdaly alań esebinen turǵyn úı alańyna jáne muqtaj mártebesinde bolǵan aılarynyń sanyna kóbeıtý arqyly, eger turǵyn úı tólemderi júrgizilgen bolsa, qyzmetten bosatylǵan kúnine tólengen aıyrmashylyqtardy shegere otyryp júrgiziledi.Qyzmetkerlerge Zańnyń 101-1-baby 7-tarmaǵynyń ekinshi bóliginde kózdelgen negizder boıynsha beriletin birjolǵy turǵyn úı tólemderiniń mólsheri qyzmetker jumystan bosatylǵan kúngi jaǵdaı boıynsha ol qyzmet ótkergen Qazaqstan Respýblıkasynyń tıisti óńirindegi turǵyn úıdiń bir sharshy metrin jalǵa alý qunynyń mólsherin ol jumystan bosatylǵan kúngi otbasynyń árbir múshesine on segiz sharshy metr paıdaly alań esebinen turǵyn úı alańyna jáne eńbek sińirgen kúntizbelik jıyrma jylǵa teńeletin aılar sanyna kóbeıtý arqyly, eger turǵyn úı tólemderi júrgizilgen bolsa, qyzmetten bosatylǵan kúnine tólengen aıyrmashylyqtardy shegere otyryp júrgiziledi.Bul rette, atalǵan tólemder birjolǵy sıpatqa ıe bolady jáne qyzmetker jumystan bosatylǵanǵa deıin júrgiziledi.17. Qyzmet ótkerý kezinde qaza tapqan qyzmetkerdiń otbasyna turǵyn úı tólemderi qaza tapqan adam qyzmet etken kezeńde buryn júzege asyrylǵan barlyq turǵyn úı tólemderin shegere otyryp, qyzmetker qaza tapqan kúngi jaǵdaı boıynsha memlekettik statıstıka salasyndaǵy ýákiletti organnyń resmı saıtynda jarııalanǵan qyzmetker qyzmet atqarǵan Qazaqstan Respýblıkasynyń tıisti óńirindegi bir sharshy metr úshin tıisti qarjy jylyna arnalǵan ýákiletti organ belgilegen baǵa boıynsha ol qaıtys bolǵan sátte otbasy quramy turǵyn úıdiń paıdaly alańynyń normasyna sáıkes keletin satyp alý qunyna teń kólemde birjolǵy aqshalaı ótemaqy túrinde júrgiziledi.Eldi meken boıynsha statıstıkalyq derekter bolmaǵan jaǵdaıda bir sharshy metrdiń baǵasy aýdan ortalyǵynyń statıstıkalyq derekteri boıynsha, al aýdan ortalyǵynda statıstıkalyq derekter bolmaǵan jaǵdaıda - oblys ortalyǵynyń statıstıkalyq derekteri boıynsha belgilenedi.»;18-tarmaqtyń birinshi bóligi mynadaı redaksııada jazylsyn: «18. Eger arnaýly memlekettik organ qyzmetkeriniń qaza tabýy (qaıtys bolýy):1) ózine-ózi qol jumsaýǵa deıin jetkizgen jaǵdaılardy qospaǵanda, ózine-ózi qol jumsaý nátıjesinde;2) qylmys nemese ákimshilik quqyq buzýshylyq jasaǵan kezde;3) alkogoldik, nashaqorlyq, psıhotroptyq, ýytqúmarlyq (olarǵa úqsas zattardan) masań kúıge ushyratatyn zattardy qoldaný nátıjesinde;4) birjolǵy ótemaqy alý nemese qyzmetten jaltarý maqsatynda ózine-ózi qandaı da bir dene jaraqatyn (denesine zııan keltirý) nemese óziniń densaýlyǵyna ózge de zııan keltirý nátıjesinde;5) qyzmetkerdiń qyzmet ótkerý týraly kelisimshart talaptaryn búzatyn áreketteriniń nátıjesinde týyndaǵan Qazaqstan Respýblıkasynyń zańnamasynda belgilengen tártippen dáleldense, birjolǵy ótemaqy tólenbeıdi.»;21-tarmaqtyń 1) tarmaqshasy mynadaı redaksııada jazylsyn:«1) mekeme basshysynyń ne bolmasa ol belgileıtin laýazymdy adamnyń atyna ony turǵyn úıge muqtaj dep taný jáne oǵan turǵyn úı tólemderin taǵaıyndaý týraly jazbasha ótinish (baıanat).Birjolǵy turǵyn úı tólemderin alý úshin qyzmetker Qazaqstan Respýblıkasy arnaýly memlekettik organdarynyń mekemelerinde qyzmet ótkerý kezeńinde turǵyn úıge muqtaj dep tanylǵanyn rastaıtyn qújattardy qosymsha usynady.Birjolǵy turǵyn úı tólemderin alý úshin Qazaqstan Respýblıkasy arnaýly memlekettik organdarynyń mekemelerinde qyzmet ótkerý kezeńinde turǵyn úıge múqtaj dep tanylǵanyn rastaıtyn qujattardy berý múmkindigi bolmaǵan jaǵdaıda, arnaýly memlekettik organdardyń mekemelerinde qyzmet ótkerip júrgen kezeńde ony turǵyn úıge muqtaj dep taný týraly alǵashqy jazbasha ótinishiniń (baıanatynyń) kóshirmesi beriledi;»;34-tarmaqtyń 2) tarmaqshasyndaǵy «aýystyrǵan kezde júrgiziledi.» degen sózder «aýystyrǵan;» degen sózben aýystyrylyp, mynadaı mazmundaǵy 3) tarmaqshamen tolyqtyrylsyn;«3) qyzmetker memlekettik turǵyn úı qorynan berilgen nemese jeke turǵyn úı qorynan jergilikti atqarýshy organ jaldaǵan turǵyn úı alańy Zańnyń 101-1-babynyń 1-tarmaǵynda belgilengen paıdaly alań normasyna sáıkes kelmegen turǵyn úıdi qaıtarǵan kezde júrgiziledi.»;mynadaı mazmundaǵy 39-1-tarmaqpen tolyqtyrylsyn:«39-1. Aǵymdaǵy turǵyn úı tólemderi qyzmet ótkerý orny boıynsha aı saıyn ótken aı úshin aǵymdaǵy aıda júrgiziledi. Jeltoqsan aıynda aǵymdaǵy aı úshin turǵyn úı tólemderi 25-i kúninen keshiktirilmeı tólenedi.Qyzmetke kirý jáne shyǵý aıynda aǵymdaǵy turǵyn úı tólemderi naqty qyzmet kúnderine proporsıonal túrde júrgiziledi.»;43-tarmaqtyń 2) tarmaqshasy mynadaı redaksııada jazylsyn:«2) qyzmetkerler Zańnyń 101-4-babynyń 1), 3), 4), 5) nemese 7) tarmaqshalarynda kózdelgen maqsattarda, sondaı-aq keıinnen satyp alynatyn turǵyn úıdiń jalǵa alý tólemderi úshin jasalǵan shart boıynsha mindettemeni oryndamaǵan jaǵdaılardy qospaǵanda, arnaýly memlekettik organdardyń qyzmetkerleri turǵyn úıge muqtaj mártebesinen aıyrylǵan kúnnen bastap»;Qaǵıdalarǵa 10-qosymshanyń 4.3-tarmaǵynyń 3) tarmaqshasy mynadaı redaksııada jazylsyn:«turǵyn úıge muqtaj mártebesinen aıyrylǵan, sondaı-aq Zańnyń 101-4-babynyń 1), 3), 4), 5) nemese 7) tarmaqshalarynda kózdelgen maqsattarda, sondaı-aq keıinnen satyp alynatyn turǵyn úıdiń jalǵa alý tólemderi úshin jasalǵan shart boıynsha mindettemelerdi oryndaǵan kezde bul týraly turǵyn úıge muqtaj mártebesinen aıyrylǵan jáne osy mindettemeler oryndalǵan kúnnen bastap 10 jumys kúninen aspaıtyn merzimde mekemeni habardar etsin;».2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.