Saılaý naýqanynyń ádil ári ashyq ótýin baqylaý týraly halyqaralyq hartııaǵa sáıkes, elimizde saılaýǵa beıpartııalyq baqylaý júrgizetin ortalyq qurylǵany belgili. Dál osyndaı ortalyq Qostanaı oblysynda da jumys júrgizip jatyr. Ortalyqta 700-den astam baıqaýshy bar, Egemen.kz
Olardyń bári aldyn ala arnaıy daıarlyqtan ótip, búgingi saıası naýqannyń ádil ári ashyq ótýin qadaǵalaýda.
Bizdiń ortalyqqa óz jarǵylaryna aldyn ala ózgeris engizip, saılaý úderisine qatysý quqyna ıe bolǵan óńirdegi jeti úkimettik emes uıym tartylyp otyr. Búgin túske deıin oblys ortalyǵyndaǵy saılaý ýchaskelerin túgel aralap shyqtym. Bizdiń baıqaýshylardyń aıtýynsha, saıası naýqan barysynda saılaýǵa qatysty zań buzý derekteri tirkelgen joq. Bul jolǵy saılaýda sanıtarlyq talaptardyń saqtalýyn da jiti qadaǵalap otyrmyz.
Ár ýchaskedegi kabınalar arnaıy sanıtarlyq qurylǵylarmen saǵat saıyn tazartylyp, áleýmettik araqashyqtyqtyń saqtalýy qatań qadaǵalaýǵa alynǵan. Oblystaǵy barlyq saılaý ýchaskeleriniń kireberisinde medısına qyzmetkerleri men volonterler kezekshilik atqaryp jatyr. Olardyń mindeti – saılaýshylardyń sanıtaızerge qol shaıýyn qadaǵalap, dene qyzýyn ólshep, ár adamǵa medısınalyq qolǵap, maska, qalam úlestirý. Maska, qolǵaptarmen barlyq ýchaskeler jetkilikti túrde qamtylǵan.