Qostanaı qalasynyń turǵyny ózi tirkelmegen saılaý ýchaskesinen daýys bergen. Vladımır Krıkýn esimdi azamat bul týraly óziniń áleýmettik jelidegi jeke paraqshasyna jazdy. Ol basqa ýchaskeden ekinshi ret tańdaý jasaǵan. Artynsha qalalyq saılaý komıssııasynyń tóraǵasy Aleksandr Malashko zańsyzdyqqa jol bergen komıssııa múshelerine qandaı shara qoldanylǵany týraly túsinik berdi, dep habarlaıdy Egemen.kz
«Biz atalmysh materıal boıynsha tekseris júrgizdik. Barlyq derekter zertteldi. Saılaý týraly konstıtýsııalyq zańǵa sáıkes, qalalyq saılaý komıssııasynyń sheshimimen sol ýchaskege tirkelmegen saılaýshyǵa bıýlleten bergen ýchaskelik komıssııa músheleri naýqan jumysynan shettetildi. Saılaý bitip, jáshik ashylǵannan keıin daýys sanaý kezinde aıypkerdiń bıýlleteni esepke qosylmaıdy», dedi A.Malashko. Osylaısha, V.Krıkýnnyń parlament májilisi, oblystyq jáne qalalyq máslıhat úshin bergen úsh daýsy eseptelmeıtin boldy.
Qostanaı oblysy