Ekzıt-pol nátıjesi boıynsha Májilis saılaýynda 9,03 paıyz daýys jınaǵan Qazaqstannyń Halyq partııasynyń tóraǵasy Aıqyn Qońyrov óz áriptesterin jáne saılaýshylardy quttyqtady.
Ol Qazaqstan Respýblıkasy Parlament Májilisi men máslıhattar saılaýynyń aldyn ala jarııalanǵan nátıjesine kóńili tolatynyn bildirip, saılaýda jetkilikti daýys jınaǵan jáne qatysqan ózge partııalarǵa sáttilik tiledi.
«Saılaýaldy úgit-nasıhat naýqany kezinde depýtattyqtan úmitkerler úshin teń jaǵdaı qarastyryldy. Eshqandaı qıynshylyq pen kedergi bolǵan joq. Ekzıt-pol nátıjesi bizdiń múmkindigimizdiń mol ekenin kórsetedi. Saılaýaldy jumystarǵa qatysqan áriptesterime jáne saılaýshylarǵa rızashylyǵymdy bildiremiz», dedi Qazaqstan Halyq partııasynyń tóraǵasy Aıqyn Qońyrov.