Qostanaı oblysynyń soltústik aýdandarynda kóz baılaıtyn qarly burqasyn kóterilgendikten búgin saǵat 11:30-dan bastap birneshe baǵyttaǵy kúre joldarda kólik qozǵalysyna shekteý qoıyldy, dep habarlaıdy Egemen.kz
«A-21 «Mamlıýtka-Qostanaı» tas joly ýchaskesinde, Soltústik Qazaqstan oblysynyń shekarasynan Uzynkól kentine deıin jáne «Ekaterınbýrg-Almaty» M-36 tas joly ýchaskesinde, Sarykól aýylynan Soltústik Qazaqstan oblysynyń shekarasyna deıin qozǵalys jabyldy», dep málimdedi oblystyq Tótenshe jaǵdaı departamentiniń baspasóz qyzmeti.
Aýa raıynyń qubylýyna baılanysty qutqarýshylar oblys turǵyndarynyń alys jolǵa shyqpaýyn suraıdy.