Atyraýda kásipkerlerdiń qyzmetine zańsyz aralasatyndar áli de bar. Kásipkerlerdiń jumysyna kedergi keltirgen 51 azamat bas bostandyǵynan aıyryldy, dep habarlaıdy Egemen.kz.
Oblystyq sybaılas jemqorlyqqa qarsy is-qımyl departamentiniń basshysy Qanat Súleımenovtiń málimetinshe, byltyr óńirde jemqorlyq deńgeıi 9%-ǵa tómendepti. Onyń ishinde aýyr qylmys jasaý 1,6 esege, jymqyrý jáne alaıaqtyq 2 esege azaıypty. Sondaı-aq 11 bıznes sýbektisiniń quqyǵy qorǵalyp, 1 mıllıardtan astam teńge bıýdjetke qaıtarylypty.
«Sońǵy eki jylda antıkor qyzmetkerlerimen óńirde para bergen 480, kásipkerlikke zańsyz qol suqqan 713 derek anyqtaldy. Jemqorlyqtyń basym kópshiligi bilim, ishki ister, densaýlyq salasynda kezdesedi» deıdi Qanat Súleımenov.