Almatydaǵy «Dostyq úıinde» Din isteri agenttigi, «Qazaqstannyń Azamattyq alıansy» zańdy tulǵalar birlestigi jáne «Astana-Zertteý» qoǵamdyq qory birlesip, «Din jáne azamattyq qoǵam» atty ǵylymı-tájirıbelik konferensııa ótkizdi.
Almatydaǵy «Dostyq úıinde» Din isteri agenttigi, «Qazaqstannyń Azamattyq alıansy» zańdy tulǵalar birlestigi jáne «Astana-Zertteý» qoǵamdyq qory birlesip, «Din jáne azamattyq qoǵam» atty ǵylymı-tájirıbelik konferensııa ótkizdi.
Konferensııanyń maqsaty din jáne azamattyq qoǵam araqatynasyndaǵy eń ózekti de tájirıbelik mańyzy bar máselelerdi ortaǵa salý, sondaı-aq, din salasyndaǵy memlekettik saıasatty júzege asyrý barysynda qoǵam azamattaryn dinı aǵartýǵa keńinen tartý bolyp tabylady.
Din isteri agenttigi tóraǵasynyń orynbasary Ǵalym Shoıkın konferensııany «Azamattyq qoǵam ınstıtýttarynyń din salasyndaǵy memlekettik saıasatty iske asyrýǵa qatysýynyń utymdy baǵyttary» degen kirispe baıandamamen ashyp, plenarlyq otyrysty júrgizip otyrdy. Qala ákiminiń orynbasary Záýresh Amanjolova qatysýshylarǵa izgi tilegin arnap, osyndaı sharanyń mádenı astanamyz Almatyda ótkizilip otyrǵanyna rızashylyq tanytty.
Alqaly jıynnyń resmı bóliminde memlekettik-konfessııaaralyq qatynastar aıasyndaǵy zaıyrlylyq máselesine, Qazaqstandaǵy konfessııaaralyq qatynastar ereksheligi men dinshildik jáne dinı saýatsyzdyq máselelerine, Islam ilimi turǵysyndaǵy quqyqtyq memleket pen azamattyq qoǵam ıdeıalary sekildi birqatar ózekti taqyryptarda baıandamalar jasaldy.
Odan ári konferensııa jumysy seksııalyq otyrystarmen jalǵasyp, «Din azamattyq qoǵam nazarynda: saraptamalyq kózqaras», «Din salasynda aqparattyq-nasıhattyq jumystardy uıymdastyrýdaǵy úkimettik emes uıymdardyń áleýetin qoldaný», «Úkimettik emes uıymdardyń destrýktıvti aǵymdar men uıymdardan zardap shekken tulǵalardy ońaltýdaǵy róli» degen taqyryptarda pikir almasý men ǵylymı tujyrymdardy taldaý qorytyndysy túzildi.
Ǵylymı-tájirıbelik konferensııa barysynda jınalǵan barlyq materıaldar men saýatty pikirler arnaıy jınaq bolyp tasqa basylyp, elimizdiń kitaphanalaryna túsetindigi jıyn sońynda kelisildi.
Qanat ESKENDIR,
«Egemen Qazaqstan».
ALMATY.