Ústimizdegi jylǵy 10 jeltoqsanda Ońtústik Afrıka Respýblıkasynyń Iohannesbýrg qalasynda osy eldiń burynǵy basshysy, álemge tanymal tulǵa Nelson Mandelanyń qazasyna oraı memlekettik qoshtasý rásimi ótti. Iohannesbýrgtegi «FNB» fýtbol alańynda uıymdastyrylǵan atalǵan sharaǵa álemniń júzden astam memleketiniń basshylary keldi.
Ústimizdegi jylǵy 10 jeltoqsanda Ońtústik Afrıka Respýblıkasynyń Iohannesbýrg qalasynda osy eldiń burynǵy basshysy, álemge tanymal tulǵa Nelson Mandelanyń qazasyna oraı memlekettik qoshtasý rásimi ótti. Iohannesbýrgtegi «FNB» fýtbol alańynda uıymdastyrylǵan atalǵan sharaǵa álemniń júzden astam memleketiniń basshylary keldi.
Qoshtasý rásimine elimiz atynan Qazaqstan Respýblıkasynyń resmı ókili, Syrtqy ister mınıstrliginiń jaýapty hatshysy A.Mýsınov qatysty. Rásim aıasynda A.Mýsınov OAR syrtqy ister mınıstriniń birinshi orynbasary Ebrahım Ebrahımmen kezdesip, Qazaqstan Prezıdenti N.Nazarbaevtyń N.Mandelanyń qaıtys bolýyna oraı OAR basshysy D.Zýmaǵa joldaǵan kóńil aıtý hatynyń kóshirmesin tabys etti.
E.Ebrahım Qazaqstan basshylyǵyna degen alǵysyn bildirip, OAR halqynyń qaıǵysymen bóliskenin joǵary baǵalaıtynyn málimdedi. OAR syrtqy ister mınıstriniń birinshi orynbasary eki el arasyndaǵy qarym-qatynastar bolashaqta qarqyndy damı túsetinine senim bildirdi, dep habarlady QR SIM-iniń baspasóz qyzmeti.
Yntymaqtastyq jalǵasady
Qazaqstan Respýblıkasynyń Qorǵanys mınıstrliginde Qorǵanys mınıstri Á.Jaqsybekovtiń Reseı Federasııasy Úkimeti Tóraǵasynyń orynbasary D.Rogozınmen kezdesýi ótti.
Reseı Úkimetinde Dmıtrıı Rogozın qorǵanys-ónerkásip keshenine, memlekettik qorǵanys tapsyrysynyń oryndalýyna, atom jáne ǵarysh salalaryn úılestirýge, eksportty baqylaýǵa, UQShU sheńberinde áskerı-tehnıkalyq saıasatty iske asyrýǵa jaýap beredi. Reseı Úkimeti janyndaǵy áskerı-ónerkásip komıssııasyna basshylyq jasaıdy.
Kezdesý barysynda áskerı-ekonomıka jáne áskerı-tehnıka salalary boıynsha ekijaqty yntymaqtastyq máseleleri talqylandy. Qazaqstannyń Reseımen osy salalar boıynsha yntymaqtastyǵy ózara tıimdi ári syndarly negizde damýda ekendigi atalyp ótti.
Kezdesý kezinde Qazaqstanda jumys istep turǵan birlesken kásiporyndardy damytý, sondaı-aq, bolashaqta birlesken jańa jobalardy jasaý jónindegi naqty jospar kelisildi.
Sonymen birge, Qazaqstan men Reseı ÁShQ Biryńǵaı aımaqtyq júıesin qurý jónindegi kelisimdi is júzine asyrý, qurylatyn júıeni tehnıkalyq qamtamasyz etý máseleleri talqylandy.
Taraptar áskerı maqsattaǵy ónimderdi ózara jetkizý aıtarlyqtaı ósip otyrǵandyǵyn atap ótti. Jalpy kelissózder eki eldiń qorǵanys ónerkásibiniń oń damýyn jáne teń dárejedegi yntymaqtastyq negizinde ózara is-qımyl jasaıtynyn qýattap berdi.
«Egemen-aqparat».