Keshe Halyqaralyq kórmeler bıýrosynyń (HKB) Parıjdegi shtab-páterinde osy uıymǵa múshe-memleketter qaraýyna Astana EKSPO-2017 Halyqaralyq mamandandyrylǵan kórmesiniń Tirkelý Qujattamasyn resmı túrde tapsyrý rásimi bolyp ótti.
Keshe Halyqaralyq kórmeler bıýrosynyń (HKB) Parıjdegi shtab-páterinde osy uıymǵa múshe-memleketter qaraýyna Astana EKSPO-2017 Halyqaralyq mamandandyrylǵan kórmesiniń Tirkelý Qujattamasyn resmı túrde tapsyrý rásimi bolyp ótti.
Tirkelý Qujattamasyn HKB-nyń Bas hatshysy Vısente Losertaleske Qazaqstan Respýblıkasy Premer-Mınıstri Serik Ahmetovtiń arnaıy joldama hatymen birge Qazaqstannyń Fransııadaǵy elshisi Nurlan Dánenov tapsyrdy, dep habarlaıdy SIM-iniń baspasóz qyzmeti. Búkilálemdik ámbebap kórmeler tártibi boıynsha 2014 jylǵy maýsymda ótetin HKB-nyń kezekti Bas assambleıasynda bul Qujattamalar bekitilgennen keıin EKSPO-2017-ni ótkizý máselesi resmı túrde moıyndalady. Osydan keıin Qazaqstan Halyqaralyq kórmege qatysý múmkindigi bar memlekettermen arnaıy kelissózder júrgizedi jáne olardy resmı túrde shaqyrady. Tirkelýden ótkennen keıin Qazaqstan ekspo-sıtı qurylysyn bastaıdy.
Qujattama tapsyrý rásiminde HKB Bas hatshysy V.Losertales bul negizgi qujattardy der kezinde daıyndaýdyń mańyzdylyǵyn atap kórsetti. Uıymnyń múshe-memleketteri EKSPO-2017-ni ótkizý jónindegi Astananyń usynys-pikirlerin qoldaıtyndyǵyna senim bildirdi. Bas hatshy aldaǵy ýaqytta da bul másele boıynsha jan-jaqty yntymaqtastyq baılanys jasalatyndyǵyn atap kórsetti. О́z kezeginde Elshi Nurlan Dánenov bizdiń elimizdiń osy halyqaralyq mańyzdy sharany joǵary dárejede ótkizý úshin qoldan kelgenniń bárin jasaıtyndyǵyna Bas hatshyny sendirdi. Bul shara bizdiń elimizde is júzine asyrylyp jatqan «Qazaqstan-2050» Strategııasynyń maqsattarymen tolyq úndesedi. Sonymen birge, N.Dánenov el Úkimeti atynan HKB basshysyna kórsetken kómegi men qoldaýy úshin alǵys bildirdi.
«Egemen-aqparat».