Muz ústinde iz qaldyrý ońaı ma? Bul úshin kásibı sheberlik qajet shyǵar. Desek te, jaqynda Qurmanǵazy aýdanynyń ortalyǵynda turatyn Nuraly Bektemirov muz ústinde mánerlep syrǵanady. Teńiz jaǵasynda qatqan muzda syrǵanaý kópshilikti tánti etti.
Onyń syrǵanaý sátin aǵasy Ádı vıdeoǵa túsirip, áleýmettik jelide jarııalady. Árıne Nuraly Bektemirov kásibı sportshy emes. Qazir Abaı atyndaǵy orta mekteptiń 10-synybynda oqıdy. Ol turatyn aýdanda sporttyń dál osy túrimen aınalysýǵa laıyqty nysan joq. Soǵan qaramastan mektep oqýshysynyń syrǵanaý máneri kásibı sportshylardyń sheberliginen kem túspeıdi. Ony áýesqoı syrǵanaýshy deýge bolady.
– Úsh-tórt jyl buryn mánerlep syrǵanaýǵa qyzyǵýshylyǵym oıandy. Sodan beri sheberligimdi shyńdap kelemin. Yntaly janǵa mánerlep syrǵanaý qıyn emes, – deıdi Nuraly Bektemirov.
Sporttyń osynaý bekzat túrin damytýdy oılaǵandar Nuraly Bektemirovtiń talpynysyna nazar aýdarǵanyn qalar edik. Bálkim, onyń baǵy janǵaly turǵan shyǵar. Teginde muz ústinde de qazaq balasynyń izi saırap jatýy kerek emes pe?
Atyraý oblysy