Koronavırýsqa qarsy vaksınasııadan keıin on adamnyń qaıtys bolǵany týraly málimetterdi nemistiń Pol Erıh ınstıtýty tekserýde, dep habarlaıdy Egemen.kz
Bul týraly dári-dármek qaýipsizdigi bóliminiń basshysy Brıjıtte Keller-Stanıslavskıı habarlady. Onyń aıtýynsha, mamandar bul ınsıdentter men vaksınasııa arasynda baılanys joq dep sanaıdy.
Aıta keteıik, Germanııada 27 jeltoqsannan bastap amerıkandyq Pfizer kompanııasy men Biontech nemis startapynyń preparatymen vaksınasııa bastaldy.
Eń aldymen 80 jastan asqan adamdarǵa, qarttar úıiniń turǵyndary men qyzmetkerlerine, dárigerlerge vaksına egilgen. Beısenbi kúni 842 myń adam alǵashqy egýden ótti.
«Biz jaǵdaılary óte aýyr naýqastar týraly aıtyp otyrmyz. Búgingi málimetterge súıene otyryp, biz olar vaksınasııamen ýaqytsha sáıkes keletin negizgi aýrýlardan qaıtys boldy dep boljaımyz», dedi Keller-Stanıslavskıı.
Onyń aıtýynsha bul málimetter vaksınasııa naýqany aıasynda osy jas sanatyndaǵy ólim-jitimniń kútiletin deńgeıine sáıkes keledi.
Qaıtys bolǵandardyń jas sanaty 79-93 aralyǵynda, sonymen qatar naýqastar COVID-19 boıynsha qaýipti aımaqta bolǵan.
Sondaı-aq, Pol Erıh ınstıtýty alty adamnyń prosedýraǵa anafılaktıkalyq reaksııasy bolǵandyǵy týraly aqparat aldy.Jalpy alǵanda, vaksınasııamen baılanysty janama áserlerdiń 325 jaǵdaıy belgili, olardyń 51-i aýyr. Bul janama áserlerdiń 0,53 jaǵdaıynyń úlesine jáne 1000 vaksınasııaǵa 0,08 aýyr janama áserlerge sáıkes keledi.
Keller-Stanıslavskııdiń bul málimetter kórsetkishterge sáıkes jáne esh qaýip-qaterdi tóngizbeıdi dep esepteıdi.
Aıda ORALBEK