«Qostanaı – Áýlıekól» baǵytyndaǵy kúre joldyń boıynda jol apatynan eki adam kóz jumdy. Qaıǵyly oqıǵaǵa qatysty sotqa deıingi tergeý júrip jatyr, dep habarlaıdy Egemen.kz
10 aqpan kúni saǵat 19:40-ta «Hyundai Solaris» avtokóligimen kele jatqan 42 jastaǵy júrgizýshi qarsy kelip qalǵan Aýdı-100 kóligimen betpe-bet soqtyǵysqan.
«Nátıjesinde «Hyundai» kóliginiń júrgizýshisi jaraqat alyp, janynda otyrǵan 46 jastaǵy jolaýshy oqıǵa ornynda kóz jumdy. Al «Aýdı» kóliginde otyrǵan erli-zaıyptylar aýyr jaraqattanyp, aýrýhanaǵa jetkizildi. О́kinishke qaraı, 27 jastaǵy júrgizýshi aýrýhanada kóz jumdy. Marqumnyń jubaıy aýyr qalde jatyr. Jol apaty kóktaıǵaqta jáne qarly borannan keıin kóterilgen tumanda oryn aldy», dep málimdedi oblystyq polısııa departamenti.
Polısııa júrgizýshilerge jyldamdyq rejimin saqtaýdy jáne qolaısyz aýa raıy jaǵdaıynda jolǵa shyqpaýdy keńes etedi.
Qostanaı oblysy