Qasym-Jomart Toqaev Parlament Májilisiniń plenarlyq otyrysynyń aldynda fraksııalardyń jetekshilerimen kezdesti, dep habarlaıdy Egemen.kz Aqordanyń resmı saıtyna silteme jasap.
Qazaqstan Prezıdenti Konstıtýsııada bekitilgen tártipke sáıkes Premer-Mınıstrdiń laýazymyna usynylatyn kandıdatýrany depýtattyq fraksııa jetekshilerimen aqyldasty.
Memleket basshysy Parlament Májilisiniń otyrysynda elimizdiń áleýmettik-ekonomıkalyq damýyn qorytyndylap, atqarýshy bılik tarmaǵynyń pandemııa saldarynan bolǵan jahandyq daǵdarys jaǵdaıyndaǵy is-áreketine baǵa berdi.
– Úkimet daǵdarysqa qarsy jospardy tıimdi júzege asyrdy. Sonyń arqasynda jumyssyzdyqtyń kóbeıýine, halyq tabysynyń jappaı tómendeýine jol berilmedi. Bul sharalar tıimdi boldy, dedi Qasym-Jomart Toqaev.