Densaýlyq daýasy

Oblysqa jumys saparymen kelgen Densaýlyq saqtaý mınıstri Salıdat Qaıyrbekova «100 aýrýhana, 100 mektep» memlekettik baǵdarlamasy aıasynda salynǵan 300 kereýettik oblystyq aýrýhananyń ashylý saltanatyna qatysyp, sóz sóıledi. Ol Elbasynyń halyqtyń ómir súrý deńgeıin jaqsartýǵa, densaýlyǵyn nyǵaıtýǵa udaıy qoldaý jasap otyratynyn tilge tıek ete kelip, munda jumys isteıtin dárigerlerdiń bilikti maman bolýlary qajettigine nazar aýdardy. Ár dárigerdiń óziniń kásibı sheberligin jetildirý, medısınalyq qyzmet sapasyn arttyrý sııaqty ózekti máselelerge toqtaldy.

Oblysqa jumys saparymen kelgen Densaýlyq saqtaý mınıstri Salıdat Qaıyrbekova «100 aýrýhana, 100 mektep» memlekettik baǵdarlamasy aıasynda salynǵan 300 kereýettik oblystyq aýrýhananyń ashylý saltanatyna qatysyp, sóz sóıledi. Ol Elbasynyń halyqtyń ómir súrý deńgeıin jaqsartýǵa, densaýlyǵyn nyǵaıtýǵa udaıy qoldaý jasap otyratynyn tilge tıek ete kelip, munda jumys isteıtin dárigerlerdiń bilikti maman bolýlary qajettigine nazar aýdardy. Ár dárigerdiń óziniń kásibı sheberligin jetildirý, medısınalyq qyzmet sapasyn arttyrý sııaqty ózekti máselelerge toqtaldy.

Jańa aýrýhananyń ashylýymen quttyqtaǵan óńir basshysy Arhımed Muhambetov óńirdiń densaýlyq saqtaý salasyndaǵy oń ózgeristerdi atap ótti. Ol 2013 jyly paıdalanýǵa berilgen 12 medısınalyq nysanǵa 2,7 mıllıard teńge bólingenin, sonyń nátıjesinde oblys ortalyǵynda aýysymyna 500 syrqat, al Shubarqudyq kentinde 200 aýrý qabyldaıtyn emhanalar, 9 dárigerlik ambýlatorııa­lar jáne osy 300 kereýettik oblystyq aýrýhana paıdalanýǵa berilip otyrǵanyn jetkizdi. Bıyl «Dıplommen – aýylǵa!» baǵdarlamasy boıynsha aýyldyq jerlerge barǵan 30 jas dárigerge qomaqty qarjy bólingen.

Jańa oblystyq aýrýhana ózara baılanysqan 4 bloktan turady. Ǵımarattyń jalpy kólemi 65 myń sharshy metrdi alyp jatyr. Joba quny – 11,8 mıllıard teńge. Kóp sa­laly stasıonar oblystyń eresek turǵyndaryna ártúrli aýrýlar jáne aýytqýlarǵa qarsy keshendi túrde joǵary sapaly medısınalyq kómek kórsetedi. Aýrýhana qura­mynda 20-dan astam emdeý-dıag­nos­tıkalyq bólimsheler bar. Olarda emdelýshiler tera­pev­tik, kardıologııalyq, kardıo­hı­rýrgııalyq, hırýrgııalyq, trav­matologııalyq jáne nefrologııa salalary boıynsha em ala alady. Stasıonar keń kólemde hırýrgııalyq kómek kórsetýge arnalǵan. Onda endovıdeohırýrgııa qoldanyla otyryp, az ınvazıvti operasııalar jasalatyn, operasııadan keıingi kezeńdi qysqartýǵa múmkindik beretin tamyr hırýrgııasy, neırohırýrgııa bólimsheleri bar.

Aýrýhana álemniń medısına tehnıkalaryn shyǵaratyn jetekshi óndiris oryndarynyń zamanaýı standarttarǵa sáı­kes dıagnostıkalyq jáne emdeý quraldarymen jaraq­tan­dy­ryl­ǵan. Kompıýterlik jáne magnıttik-rezonanstyq tomograf­tar, angıograf, qazirgi za­manǵy ýltradybystyq ska­ner­­ler, «jasandy búırek», «ja­sandy baýyr» apparattary jáne barokameralarymen qamtamasyz etilgen. Emdeý orny arnaıy medısınalyq gaz berý júıesimen jaraqtalǵan jáne abakterıaldyq orta jaǵdaıyn qamtamasyz etetin taza bólmelermen qamtylǵan. Aýrýhanada Eýropa elderinde, Reseıde, Ońtústik Koreıada bilik­­­­­tiligin jetildirgen joǵary sanat­taǵy medısınalyq jáne ǵylymı qyzmetkerler jumys jasaıdy.

Satybaldy SÁÝIRBAI,

 «Egemen Qazaqstan».

Aqtóbe oblysy.