Ishki ister mınıstri Erlan Turǵymbaev Úkimet otyrysynda elde 15 sanıtarlyq beket qoıylǵanyn málim etti, dep habarlaıdy Egemen.kz.
«Bas sanıtarlyq dárigerlerdiń qaýlysyna sáıkes elimiz boıynsha 15 sanıtarlyq (Almaty oblysy – 9, Qostanaı oblysy – 4 jáne Aqtóbe oblysy – 2) jáne 4 blok-beket (Atyraý oblysy – 4) qoıylǵan. Karantındik is-sharalarǵa 10 myńnan astam polısııa men Ulttyq ulannyń áskerı qyzmetshileri jumyldyrylǵan. 290 karantındik obekti baqylaýǵa alynǵan», dedi mınıstr.
Sondaı-aq kólik obektilerinde sanıtarlyq dárigerlerge jolaýshylardy fıltrasııadan ótkizýge járdemdesý qamtamasyz etiledi. Osy maqsatta elimizdiń halyqaralyq áýejaılarynda 18 baqylaý-qadaǵalaý pýnkti, temirjol vokzaldarynda 16 baqylaý-qadaǵalaý pýnkti ornatyldy.