Keshe Úkimet úıinde Premer-Mınıstrdiń birinshi orynbasary Baqytjan Saǵyntaevtyń tóraǵalyǵymen 2013-2014 jyldarǵa arnalǵan jylytý kezeńin júrgizý máseleleri jóninde selektorlyq rejimde keńes ótkizildi.
Keshe Úkimet úıinde Premer-Mınıstrdiń birinshi orynbasary Baqytjan Saǵyntaevtyń tóraǵalyǵymen 2013-2014 jyldarǵa arnalǵan jylytý kezeńin júrgizý máseleleri jóninde selektorlyq rejimde keńes ótkizildi.
B.Saǵyntaevtyń aıtyp ótkenindeı, Úkimet otyn-energetıka kesheni men óńirlerdi qysqy maýsymǵa sapaly daıyndaý jóninde tıisti sharalar qabyldady. Keıbir óńirler úshin otyn satyp alýǵa Úkimet rezervinen qarajat bólindi.
B.Saǵyntaev óńirlerdegi jalpy jaǵdaı turaqty dep sanaıdy. Alaıda, jóndeý jumystarynyń josparyn, temperatýralyq kesteni jáne energııa kózderindegi otynnyń normatıvtik qorlaryn saqtaý bóliginde sheshilmeı qalǵan máseleler bar.
Turǵyn úı-kommýnaldyq sektor, áleýmettik sala nysandarynyń jumysy jáne kommýnaldyq qyzmet úshin bereshekter týraly О́ńirlik damý mınıstri Bolat Jámishev baıandady.
Mınıstrdiń aıtýynsha, jylytý maýsymynyń basynda kommýnaldyq qyzmetter úshin tutynýshylardyń debıtorlyq bereshegi 5,8 mlrd. teńgeni qurasa, aǵymdaǵy jylǵy 1 jeltoqsandaǵy jaǵdaı boıynsha 4,9 mlrd. teńgeni qurady. Debıtorlyq bereshek Almaty qalasynda 1 mlrd. teńgege, Aqtóbe oblysynda 13,8 mln. teńgege, Qyzylorda oblysynda 10,9 mln. teńgege azaıdy. Al Astana qalasynda 64 mln. teńgege, Soltústik Qazaqstan oblysynda 12 mln. teńgege óse tústi.
Keńeste Indýstrııa jáne jańa tehnologııalar vıse-mınıstri Baqytjan Jaqsalıev qýat óndirý kásiporyndary men magıstraldyq elektr jelileriniń jumysy týraly baıandady. Vıse-mınıstr elimizdiń biryńǵaı elektr-energetıkalyq júıesi shtattyq rejimde jumys istep turǵanyn atap ótti. Qýat óndirý kózderine josparlanǵan jóndeý jumystary aıaqtaldy. Aǵymdaǵy jylǵy 11 jeltoqsanǵa energııa kózderiniń otyn qoımalarynda 5,1 mln. tonna kómir jáne 161,2 myń tonna mazýt jınaqtalǵan. Bul kórsetkish jalpy Úkimet bekitken normalarǵa sáıkes keledi.
Tótenshe jaǵdaılar vıse-mınıstri Valerıı Petrovtyń baıandaǵanyndaı, qazirgi ýaqytta respýblıkadaǵy 779 qazandyq tutynýshylardy jylý energııasymen jáne 389 qazandyq ystyq sýmen jabdyqtaýdy qamtamasyz etedi, rezervte 375 qazandyq bar. Budan buryn bekitilgen jóndeý jumystarynyń kestelerine sáıkes rezervke qoıylǵan 15 qazandyqta josparly jóndeý jumysy jalǵasýda.
О́ńirlerdi jylý energııasymen jáne ystyq sýmen jabdyqtaýdy 100 paıyz qamtamasyz etken kezde Jambyl, Aqmola, Qyzylorda, Pavlodar, Qaraǵandy, Shyǵys Qazaqstan oblystarynda qazandardy jóndeý jumystary jalǵasatyn bolady. Jylý maýsymy bastalǵannan beri birqatar óńirlerde 26 tehnologııalyq buzýshylyqtar (qazandyqtar men týrbınalardyń avarııalyq toqtap qalýy) oryn aldy, onyń ishinde 12-si jylytý betindegi qýystardyń sebebinen boldy.
Keńesti qorytyndylaı kele, B.Saǵyntaev ákimdikter jylytý maýsymynyń apatsyz ótýin barynsha qamtamasyz etýge tıis ekenin atap kórsetti. Sonymen qatar, ol mereke kúnderi óńirlerde jylytý maýsymynyń ótýin qatań baqylaý qajet ekenin eske saldy. Ákimdikterge mereke kúnderi shtattan tys jaǵdaılardy jedel joıý úshin jóndeý jumystaryn júrgizetin brıgadalardy qajetti materıaldarmen jáne jabdyqtarmen qamtamasyz etý jóninde qosymsha sharalar qabyldaýdy tapsyrdy, dep habarlady Premer-Mınıstrdiń baspasóz qyzmeti.