Syr óńirinde halyqqa bazar naryǵynan tómen baǵada ónim usynatyn áleýmettik dúkender jelisi kóbeıedi. Eki jyl ishinde aımaqta 36 áleýmettik dúken ashylady. Iаǵnı oblys ortalyǵynan 20, aýdan ortalyqtarynan 2 dúkennen salynady, dep habarlaıdy Egemen.kz
О́ńirde turaqtandyrý qoryna 2020 jyly 6,4 myń tonna ónim qory satyp alynyp, onyń 5,2 myń tonnasy satylǵan. Búgingi kúni qorda 2 myń tonnadan astam ónim saqtalyp, saýdalanýda.
Búgingi kúni ákimdikter áleýmettik dúkenderde ónimderdiń ótimdiligi artýy men kólemi azaıýyna baılanysty qosymsha 23 tonna ósimdik maıy men 300 tonna kartop satyp alý jumystaryn iske asyrýda. Áleýmettik dúkenderde halyqqa 19 túrli taýar usynylady. Ásirese, halyqqa asa qajet I sortty un, nan, kúrish, qaraqumyq jarmasy, kúnbaǵys maıy, sary maı, makaron, kartop, pııaz, qyryqqabat, sábiz, sıyr eti, taýyq eti, sút, aıran, súzbe, qant, tuz, jumyrtqa sııaqty ónimder saýdalanýda.
Qazir óńirde 29 áleýmettik dúken jumys istep tur. О́tken jyly oblysta turaqtandyrý qory áleýmettik mańyzy bar ónimdermen tolyqtyrylyp, 4,1 myń tonna ónim satyp alý úshin jáne aınalym shemasy arqyly kásipkerlerge qaryz berý úshin jergilikti bıýdjetten qosymsha 1234,4 mln. teńge qarjy bólingen.
Áleýmettik dúkenderden bólek, óńirde 1 áleýmettik market pen 4 iri sýpermarket asa qajetti azyq-túlik ónimderin usynady. Sońǵy jyldary shetkeri aımaqtyń turǵyndary úshin de áleýmettik dúkender ashylǵan. Máselen, Báıterekte «Balameken», Naýryz, Belkól, Aqjarma, Qaraózek, Qyzyljarma aýyldary men Edelveıs saıajaıynda jumys jasaıdy.